Tutelonomi 10:18 - Chahta Holisso Holitopa 1886

¹⁸ I̱ki illi, micha i̱ hatak illi nan im ʋlhpisa ka̱ im a̱hlichi kʋt, micha okla inla ya̱ ilhpak, micha na fohka ya̱ ima kʋt im achukma hoke,

Tutelonomi 10:18 Iomraidhean Croise

Atʋloa 10:18

Ʋlhtakla micha ilbʋssha ya̱ ai ʋlhpesa ish im ʋpesa chi̱ kʋt, chi haksubish a̱ isht ish hʋponaklashke; yohmi na yakni a tuba hʋttak ʋt himakma̱ ik ilbʋsshalo kashke.

Atʋloa 103:6

Inla yosh i̱ pʋlʋmmiche tuk moma ka̱ Chihowa hʋt ai ʋlhpiesa nan im ʋpehi̱sa yoke.

Atʋloa 145:9

Moma ka̱ Chihowa hʋt i̱ kanah achukma hoke, micha i̱ nukha̱klo yʋt nan ʋtahli tok moiyuma ka̱ onuttoiyula hoke.

Atʋloa 146:9

Chihowa hʋt oklah inla ʋhleha ha̱ hʋllʋlli yoke; ʋlla ʋlhtakla micha ohoyoh i̱ hʋttak illi aiena ka̱ ʋpelʋchi hoke; amba hʋttak haksi ʋhlehah i̱ hina ya̱ okpʋnit kanchi hoke.

Atʋloa 68:5

Im ai a̱ha̱tta hulittopa ya̱ a̱tta hosh Chitokaka yʋt ʋlla ʋlhtakla ʋhlehah I̱ki yoke; micha ohoyoh i̱ hʋttak illi ʋhleha ha̱ nan im apesa yoke.

Atʋloa 68:6

Chitokaka yʋt ilap bieka yatuk a̱ chukka ya̱ a̱ha̱tta ikbi yoke; yuka yatuk a̱ kucchit a yo̱ho̱kpa isht ona hoke; amba i̱ Shahli i̱ filʋmmit im asʋnali ak okʋto yakni shila ya̱ ma̱ya hoke.

Eksotʋs 22:20

Chihowah ak illa keyu, na holbʋt toba nana kia nan ʋbit isht aiokpʋchikmʋt ishit kanchit ʋmohmicha hi oke,

Eksotʋs 22:21

Okla inla chu̱kʋsh okpʋnit ish ilbʋsha la he keyu hoke. Okla inla yosh Echip yakni hʋsh aiasha tok okʋt.

Eksotʋs 22:22

Ohoyo i̱ hatak illi, micha ʋlla i̱ki illi, kʋna kia hʋsh ilbʋshala he keyu hoke.

Eksotʋs 22:23

Kaniohmichit hʋsh ilbʋshali na, et a̱ pa̱ha̱ya ka̱ haklo li pulla hi oke.

Lefitikʋs 25:35

Micha chitibapishi hʋt chiba fokʋt ilbʋshʋt kʋnia cha, nana bʋnnakma ish apelʋchashke, a̱hli okla inla micha nowʋt a̱ya yoh kia, yʋmohmi ho̱ chi takla ahantashke.

Numbas 10:32

Mikma yakohmi hi oke, pi awant ish iakma a̱hli, yakohma hi oke; nana achukma nana ho̱ Chihowah yʋt pi̱yʋmihchikma, yʋmmak inli ho̱ e chi̱ yʋmihcha chi̱ hoke, achi tok.

Mahlu 5:45

Yakohmi hosh hʋch I̱ki ʋba binili ka im ʋlla hʋchia hi oke: yʋmmak okʋt i̱ hʋshi atuk ma nan ik ʋlhpeso, micha na‐hochukma aiena ka i̱ kohchihinchikmʋt, kocha umba ka nan‐aia̱hli hochukma, mikmʋt nan ik a̱hlo aiena ka auet i̱ pihinla chatuk oka.

Apostel isht Anumpa 14:17

Yohmi kia ilap fehna isht ai atokowʋt anoli a̱ ik takohlicho hosh ahanta tok keyu; yohmi kʋt nana ka achukmali hosh umba ʋba minti, micha na waya achukma nitak aiena ka auet hʋp ihi̱ma cha, pi chu̱kʋsh a̱ ilhpak, micha na yukpa aiena ka, isht alotohonli hoke; ahanchi tok.

Tutelonomi 27:19

Kʋna hosh okla inla, ʋlla i̱ki illi, micha ohoyo ʋlhtakla aiena nan im apesa kʋt shanaiyʋchikmʋt, kallakshashke: mikma okla moma kʋt, Amen, achashke.