Tutelonomi 10:16 - Chahta Holisso Holitopa 1886

¹⁶ Yʋmohmi kak o̱ hʋchi chu̱kʋsh tikba hakshup a̱ hʋsh tʋbli cha, himakma ikunla hʋchik kʋllo kashke.

Tutelonomi 10:16 Iomraidhean Croise

Genesis 17:11

Micha hʋchi tikba hakshup nipi ya̱ hʋsh tʋblashke; mikma yʋmmak osh nan itim apesa yash osh ʋno, micha hʋchishno hʋpitin takla ya̱ itoyula ka̱ isht atokowa ya hi oke.

Lefitikʋs 26:41

Micha ʋno ak kia im ilapunla li tuk, micha in tʋnʋp i̱ yakni ya̱ isht ona li tuk aiena ka̱ ʋm il aionohonlikma, micha chu̱kʋsh hakshup ik tapo ʋt akanlosi cha, nan ashʋchi pulla hosh na palʋmmi onʋtula tuk ʋt ʋlhpesa ahnikma,

Tutelonomi 30:6

Mikma chin Chitokaka Chihowah yʋt chi chu̱kʋsh, micha chim ʋlla ʋhleha chu̱kʋsh aiena ka̱ hakshup tʋbli na, chin Chitokaka Chihowah ya̱ chi chu̱kʋsh mominchit micha chimi shilombish a̱ mominchit isht ish holitobli cha chi okchaya hi oke,

Tutelonomi 31:27

Ish ile filʋmmichi, micha chikunla kʋllo ka̱ ithana li hoke; yakeh, himak nitak a̱ si okcha̱yʋt hʋchi takla anta li moma ka̱ Chihowah ya̱ i̱ filʋmmi hʋchi shahli fehnʋshke; a sʋlli ha yok mak heno i̱ shahli fehna chi̱ keyu cho?

Tutelonomi 9:13

Micha Chihowah yʋt ʋm anumpulit, Okla ilʋppa pisa lishke; mihma yakeh, okla ikunla kʋllo yoke.

Tutelonomi 9:6

Yʋmohmi hoka chin Chitokaka Chihowah yʋt yakni achukma ilʋppa ish a binila chi̱ ho̱ chima kʋt, chi ai ʋlhpiesa kak o̱ keyu ka̱ ish ithaiyanashke; okla ikunla kʋllo chia hoka.

Koloshan 2:11

Yʋmmak pulla ho̱ hʋchishno ak kia ibbak o̱ hakshup isht tʋpa keyu ho̱ hakshup isht hʋchin tʋpa tok: yʋmohmi hosh Klaist hakshup tʋpa pulla ho̱ haknip nan isht ashʋchi yash naksika hʋsh bohli tuk oke: