Tutelonomi 10:14 - Chahta Holisso Holitopa 1886

¹⁴ Yakeh, shutik, micha shutik puta i̱ shutik ʋt, micha yakni ak kia nana moma yʋmma aiasha aiena kʋt chin Chitokaka Chihowah ya̱ immi hoke.

Tutelonomi 10:14 Iomraidhean Croise

Genesis 14:19

Micha anumpa yukpali Eblam a̱ onochit, Ʋba chaha moma i̱ shahli, ʋba, micha yakni aiena ikbi Chitokaka ya̱ Eblam ʋt i̱ holitopashke.

Genesis 14:22

Mihma Eblam ʋt Sotom i̱ mi̱ko ya̱, Chihowah ʋba chaha moma i̱ shahli Chitokaka, ʋba, micha yakni aiena ka̱ ikbi ya̱ sʋbbak a̱ ʋba pit i̱ wieli li kʋt,

1 Mi̱ko 8:27

Yohmi kia Chitokaka yʋt yakni ya̱ ahanta hinla mʋhli cho? Yakeh! shutik ont aiʋhli iksho, micha ʋba yakni puta moma i̱ shutik ont ai ʋhli iksho hoh kia chiesha he keyushke; aboha ikbi li tuk ilʋppak okak heto nanta isht ahoba he keyushke.

Atʋloa 115:16

Ʋba putta kʋt Chihowa hak o̱ immi hoke, amba yakni yokʋno hʋttak im ʋlla ʋhleha ha̱ ima tok oke.

Atʋloa 148:4

Ʋba shutik puttah im ʋba shutik, micha shutik paknaka oka aiyasha kʋt hʋsh hulittoblichashke.

Atʋloa 24:1

Yakni micha isht ʋluttoa kʋt, yakni micha paknaka ai asha aiena kʋt, Chihowa immi hoke.

Atʋloa 50:12

Sʋ hohchʋfo hoh kia, chishno a̱ chim ʋnoli la he keyuh; yakni micha nanah isht ai ʋluttoa aiena kʋt ʋmmi hoka̱.

Atʋloa 68:33

Abillia ʋba i̱ shahli ya̱ o̱ binilit a̱ya ya̱ hʋsh i̱ tʋloashke; yakeh, im ʋnnumpa hʋt ʋnnumpah kʋllo yo̱ isht ʋnumpuli hoke.

Eksotʋs 19:5

Yʋmohmi hoka himak a̱ ʋm anumpa ha̱ hʋsh im asitia mʋhli cha, a̱ nan itim apesa ya̱ hʋsh holitoblikmʋt, yohmikmʋt okla moma i̱ shahlit ʋmmi hʋchia ha chi̱ hoke; yakni ʋt moma kʋt ʋmmi hoka.

Eksotʋs 9:29

Mihma Moses ʋt, Tʋmaha holihta ya̱ kohcha li makinli hosh, Chihowah ya̱ sʋbbak a̱ pit isht im ashatʋpa la chi̱ hoke; mikma hiloha kʋt issa chi̱ hoke, micha himakma hata̱fo ʋt a̱sha chi̱ keyu hoke; Yohmi ma yakni ʋt Chihowah ak o̱ immi ka̱ ish ithaiyana chi̱ hoke.

Apostel isht Anumpa 17:24

Chikowa yakni, micha nana moma yʋmma anu̱kaka aiasha aiena ka ikbi tok; yʋmmak okʋt ʋba shutik, micha yakni aiena ka in Chitokaka yokʋt tempel puta ibbak a̱ isht toba ya̱, ai ahanta keyu.

1 Kolinhlian 10:26

Yakni moma, micha awaya moma kʋt Chitokaka immi hoke.

1 Kolinhlian 10:28

Yohmi kia kʋna hosh, Na holbʋt toba isht aiokpʋcha hi o̱ ilʋppa im issa tok a̱ hʋchim achikma, na hʋchim anoli tuk yʋmmak pulla, mikmʋt nan isht il akostininchi aiena pulla kak o̱ hʋshpa ná; yakni micha ai immi moma aiena kʋt Chitokaka immi hoke.

2 Kolinhlian 12:2

Afʋmmi auah ushta atampa kash hatak Klaist ibai achʋfa ka ithanali tok; yʋmmʋt haknip o̱ a fohka hokmá nana tok chishba, ak ithanoshke; keyukmʋt haknip a̱ ai i̱ filʋmmi hokmá nana tok chishba, ak ithanoshke; Chihowa ak osh ithana; yʋmmak atuk ash o̱ hoklit ʋba ont atuchina ka isht ona tok.

Tutelonomi 10:13

Chihowah im anumpa, micha i̱ nan ʋlhpisa bilia puta chishno ak inli isht chim ai achukma he o̱, himak nitak a̱ chi̱ miha li ka̱ holitoblit ish iesha he ak keyu cho?

Tutelonomi 33:26

Cheshulʋn in Chitokaka yʋmmak okʋt chi apela kʋt ʋba a̱ya im aholitopa ʋba ya̱ chohmi kʋt iksho hoke, achi tok.