Tutelonomi 10:12 - Chahta Holisso Holitopa 1886

¹² Yohmi ka̱ himak a̱ Islael ma, nanta ho̱ chin Chitokaka Chihowah yʋt chim ahoyo cho? amba chin Chitokaka Chihowah ya̱ i̱ nukwiʋt, i̱ hina moma ka̱ ano̱ho̱wa, micha holitoblit, micha chin Chitokaka Chihowah ya̱ chu̱kʋsh ai oklu̱hʋt, micha chi shilombish ai oklu̱hʋt isht ish im antia ho̱.

Tutelonomi 10:12 Iomraidhean Croise

1 Mi̱ko 3:3

Mihma Solomon ʋt Chihowa ya̱ holitobli cha, i̱ki Lewi ʋt nanʋlhpisa puta ka a noho̱wa beka tok a̱ anoho̱wa tok: yohmi kia achahaka puta ka nan ʋbit ai isht aiokpʋchit nabalama a hukmi beka tok.

2 Mi̱ko 10:31

Yohmi kia Chehu ʋt ahah! ahnit chu̱kʋsh ai oklu̱hʋchit Islael in Chitokaka Chihowa i̱ nan ʋlhpisa ha̱ ik a nowo tok: Cheloboam ʋt nan ashʋchit Islael a̱ nan ashʋchechi tok a̱ ik i̱ filʋmmo tok.

2 Mi̱ko 18:3

Micha i̱ki Lewi a yʋmohmi tok moma kak o̱ chohmit Chihowa itikba ya̱ aiʋlhpiesa kak o̱ yʋmohmi tok.

2 Mi̱ko 18:6

Micha Chihowa ya̱ asitia cha, iakaiya kʋt issa keyu, amba im anumpa ʋlhpisa puta Chihowa yʋt Moses a̱ im apihi̱sa tok a̱ ieshi tok.

Atʋloa 119:2

Nan isht im ai ʋlhtukkoa putta ka̱ hulittobli, chu̱kʋsh ai oklu̱hʋt Chihowa ha̱ ho̱ho̱yo, nan ik ai ʋlhpeso ma̱ yohmi keyu, im ata̱ya puttah ʋpesa tok a̱ ai ittʋno̱ho̱wa yʋt na̱ yokpa yoke.

Atʋloa 128:1

Chihowa i̱ nukshopa hosh i̱ hina ya̱ a no̱ho̱wa aiyukali kʋt na̱ yokpa yoke.

Atʋloa 145:20

I̱ hullo moiyuma ka̱ Chihowa hʋt hʋllʋlli yoke; amba hʋttak ik ʋlhpeso moma ka̱ ishit kancha hi oke.

Atʋloa 18:1

Chi̱ hullo li hoke, ʋm a hlampko Chihowa ma.

Atʋloa 34:9

Im oklah chu̱kʋsh kʋshofa hʋchia hʋt Chihowa ha̱ hʋsh i̱ nukshopashke; i̱ nukshopa ʋhleha hʋt nana ho̱ bʋnnah keyu hoka̱.

Atʋloa 81:13

“Ʋm okla hʋt a̱ hʋponaklo hokbano! Islael ʋt ʋm ata̱ya putta ka̱ ai ittʋnowa hokbano!

Atʋloa 81:14

“Yohmi hokmʋno chekosih mak inli ho̱ i̱ tʋnʋp ʋhleha ha̱ im ʋkahchunnoliche la he tuk, micha i̱ tʋnampi ʋhleha ha̱ sʋbbak a̱ fʋlʋmmichit onucchi la he tuk oke.

Eksotʋs 23:25

Micha Chihowah hʋchin Chitokaka ya̱ hʋsh im antia hi oke; mikma hʋchi̱ pʋska, micha hʋchim oka hʋchim apaknʋcha hi oke; mikma ʋno ʋt hʋchim itin takla ya̱ abeka ha̱ ai isht kanchi la hi oke.

Mahlu 22:37

Mihma Chisʋs ʋt, Chitokaka chin Chihowa hoka chi chu̱kʋsh a̱ mominchit, mikmʋt chi shilombish a̱ mominchit, anonti chim anukfila ha̱ mominchit isht ish holitoblashke;

ʋBanumpa Luk Ʋt Holissochi Tok 10:27

Mihma yʋmmak ash ot afalaminchi mʋt, Chi chu̱kʋsh mominchi hosh, chi shilombish ma mominchit, chim ishthlampko a mominchit, mikmʋt chim anukfila ma mominchi hosh Chitokaka chin Chihowa ya̱ isht ish holitoblashke; mikmʋt chin chuka panta hatak ma ish holitobli kʋt, chishno akinli chim itilauashke, im achi tok.

ʋBanumpa Luk Ʋt Holissochi Tok 11:42

Amba Falisi hʋchia ma! na hʋchi̱ palʋmmi mak oke, mint, micha lu, mikmʋt haiyu̱kpolo ilaiyuka puta waya it a kashkoa ont isht pokoli kak osh hʋchi̱ kʋnia, mikmʋt nana ai‐ʋlhpiesa ka, micha Chihowa holitobli aiena hokʋno hʋsh ʋbanʋbli hoka: ilʋppak o̱ a hʋchi yʋmohmi ha yosh, anonti yʋmmak ma hʋch ik a haksecho ka hetuk oke.

Apostel isht Anumpa 9:31

Yohmi na Chutia yakni ʋt moyuma, micha Kalili, micha Samelia aiena ka, ʋbanumpuli iksa puta kʋt nuktanla mʋt isht i̱ shahlit ia tok; mihma Chitokaka i̱ nukshoyupa, micha Shilombish Holitopa ya̱ isht ilai yukpa aienʋt itʋnowa kʋt, lauʋt isht i̱ shaiyahli tok oke.

Loman 1:9

Yohmi ka yʋmmak oka ilap Ushi im ʋbanumpa hak o̱ ai isht sa shilombish oka isht in toksahanli li kʋt, anumpa ilbʋsha anumpuli li puta kʋt pit hʋch ithaiyana bieka hosh, isht hʋchi anumpohonli li kʋt ak isso kamohmi hoka, Chihowa yak osh nan atokowa si anoli yoke.

Loman 8:28

Yohmi ka nan oklu̱ha hokʋt Chihowa i̱ hullo ʋhleha, ilap nan ai ahni tok pulla mak o̱ ʋlhtoho̱ka tok ʋhleha hokʋto, isht im ai achukma he mak o̱ it ibai toksahanli ka il ithaiyanʋshke.

Tutelonomi 10:11

Micha Chihowah yʋt, Wakaya cha, okla ha̱ itikba ia, yʋmohmikma ima la chi̱ hosh i̱ki ʋhleha ha̱ anumpa kʋllo im ilonochit, anumpule li tok a̱ iba chukowa cha, yakni ya̱ ish ashke.

Tutelonomi 10:13

Chihowah im anumpa, micha i̱ nan ʋlhpisa bilia puta chishno ak inli isht chim ai achukma he o̱, himak nitak a̱ chi̱ miha li ka̱ holitoblit ish iesha he ak keyu cho?

Tutelonomi 11:1

Yʋmohmi hoka chin Chitokaka Chihowah ya̱ ish holitobli cha̱, chi̱ miha tok a̱, micha i̱ nan ʋlhpisa bilia, micha im ai ʋlhpiesa yʋmihinchi, micha im anumpa aiena ka̱ ish ieshi na, biliashke.

Tutelonomi 11:13

Atukma yakohma hi oke, achunanchit ʋm anumpa himak nitak a̱ hʋchim anumpo̱honli li ka̱ hʋsh haiyaklo, hʋchin Chitokaka Chihowah ya̱ hʋsh holitobli, micha hʋchi chu̱kʋsh a̱ mominchit, micha hʋchimi shilombish ma mominchit hʋsh im antiakma,

Tutelonomi 26:16

Himak nitak a̱ nanʋlhpisa bilia, micha aiʋlhpiesa ish yʋmi̱hincha chi̱ ho̱, chin Chitokaka Chihowah yʋt chim apesʋshke; yʋmohmi hoka chu̱kʋsh aioklu̱hʋt, micha chimi shilombish aioklu̱hʋt ieshit ish yʋmi̱hinchashke.

Tutelonomi 27:10

Yʋmohmi hoka chin Chitokaka Chihowah im anumpa ha̱ i̱ haponaklot, im anumpa ʋlhpisa, micha nan ʋlhpisa bilia himak nitak a̱ chi̱ miha li ka̱ ish yʋmi̱hinchashke, achi tok.

Tutelonomi 30:16

Yohmi hosh himak nitak a̱ chin Chitokaka Chihowah ya̱ ish holitobli cha, i̱ hina ya̱ ish ai itʋnowʋt, im anumpa, micha i̱ nan ʋlhpisa bilia, micha im aiʋlhpesa yʋmi̱hinchi ya̱ ish ieshi cha, chi okchayʋt ish apaknʋcha he o̱ chi̱ miha lishke: mikma chin Chitokaka Chihowah yʋt yakni ya̱ ish isha chi̱ hosh yʋmma pilla ish ia ka̱ a chi yukpala hi oke,

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Tutelonomi 4:29

Yohmi tuk kia yʋmma a̱shʋt chin Chihowah Chitokaka ya̱ ish hoyokmʋt, chi chu̱kʋsh a̱ mominchit, micha chi shilombish a̱ mominchit hʋsh hoyokmʋt, hʋsh ahayucha hi oke.

Tutelonomi 5:29

Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Tutelonomi 5:33

I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Tutelonomi 6:13

Chin Chitokaka Chihowah ya̱ ish i̱ nukwia cha, ish im antiashke, micha yʋmma hochifot anumpa kʋllo il onochit ish anumpulashke.

Tutelonomi 6:2

Chitokaka hʋchin Chihowah ya̱ ish i̱ nukwia cha, i nan ʋlhpisa bilia moma ka̱, micha im anumpa chim anumpohonli li ka̱, chishno micha chiso, micha chiso ha̱ iso aiena kʋt chi okcha̱yʋt ish ahanta nitak moma kʋt ish ieshi cha, chi̱ nitak ʋt falaiashke.

Tutelonomi 6:24

Micha Chihowah yʋt pim apesʋt, nan ʋlhpisa bilia ilʋppa moma e yʋmihcha he ishit pim aiachukma̱ka na bilia chi̱ kʋt, pin Chitokaka Chihowah ya̱ il i̱ nukshoyupa he a̱, achi tok; yohmi hosh pi okchalincha he a tok o̱ himak nitak a̱ ayʋmohmi hoke.

Tutelonomi 6:5

Yohmi ka̱ Chitokaka chin Chihowah ya̱ chi chu̱kʋsh a̱ mominchit, micha chi shilombish ma mominchit, micha chi kʋllo ya̱ mominchit ishit ish holitoblashke,

1 Timohli 1:5

Ʋba nan ʋlhpisa yokʋto chu̱kʋsh kashofa, micha im anukfila achukma, micha na‐yimmi ai a̱hli aiena hosh it i̱ hulla he ak o̱, hoyo hoke:

Heblu 12:28

Yʋmohmi ka apehlichika yʋmmʋt aksha he keyu mak o̱ il ishi hokʋt, Chihowa yʋt isht i̱ kana yoka il ieshi pulla hosh, holitoblit i̱ nukshopa ai a̱hli ai ʋlhpiesa hosh Chihowa yoka nan isht il im ahantashke.

Choshua 22:5

Yohmi kia ahah! ahni fehnʋt, nan ʋlhpisa puta Chihowa in tishu Moses ʋt atokolit hʋchi̱ miha kʋt, Chitokaka hʋchin Chihowa ya̱ holitoblit, ai ahni bieka ho̱ anoho̱wʋt, nan apihi̱sa puta ka ieshit, micha asitiʋt, micha chu̱kʋsh aioklu̱hʋt, micha shilombish aioklu̱hʋt hʋsh im antiashke, ahanchi tok a̱ hʋsh im antihi̱yashke, im achi tok.

Choshua 24:14

Yʋmohmi hoka Chihowa ya̱ hʋsh holitobli cha, chu̱kʋsh a̱hli, micha apissali bieka hosh hʋsh im antiashke; micha na holbʋt toba puta hʋch i̱ki ʋhleha hʋt okhina mish tʋnnʋp, micha Echip a̱ aiokpʋchi tok a̱ hʋsh kanchashke; micha Chihowa yak o̱ hʋsh im antiashke.

1 Chan 2:15

Yakni a̱, micha nana kʋt yakni paknaka a̱sha ka hʋch ik i̱ hullo kashke. Hatak nana hosh yakni a̱ i̱ hullo hokma, I̱ki i̱ hullo kʋt yʋmma anukfoyuka keyu hoke.

1 Chan 5:5

Kʋta hosh yakni a̱ imaiyachi̱ cho? amba Chisʋs ʋt Chihowa ya̱ Ushi a̱ yimmi kak o̱ banoshke.

1 Samuel 12:20

Mihma Samuel ʋt okla moma ka, Hʋchi nukshopa ná; nan ashʋchi ilʋppa moma ka hʋsh yʋmihchi tuk oke: yohmi kia Chihowa ya̱ hʋsh iakaiya kʋt, naksika hʋch ik shanaiyo hosh, amba chu̱kʋsh ai oklu̱ha hosh Chihowa ya̱ hʋsh im antiashke.