Tutelonomi 10:11 - Chahta Holisso Holitopa 1886

¹¹ Micha Chihowah yʋt, Wakaya cha, okla ha̱ itikba ia, yʋmohmikma ima la chi̱ hosh i̱ki ʋhleha ha̱ anumpa kʋllo im ilonochit, anumpule li tok a̱ iba chukowa cha, yakni ya̱ ish ashke.

Tutelonomi 10:11 Iomraidhean Croise

Eksotʋs 32:34

Yʋmohmi hoka himak a̱ iah, micha okla pehlichit, yakni chim anoli li tuk a̱ ish onashke. Yakeh, ʋm enchil ʋt hʋchi tikba ia chi̱ hoke: yohmi kia im a̱ya li nitak mʋt, nan ashʋchi tuk a̱ im a̱yʋt onochi la hi oke.

Eksotʋs 33:1

Mihmʋt Chihowah yʋt Moses a, Iah, micha chishno, micha chim okla ha̱ Echip yakni ya̱ apehlichit ish kohchi tok aienʋt ilʋppa ashʋt iʋt, yakni Eblaham, micha Aisak, micha Chekob aiena ka̱ anumpa kʋllo im il onochit chim ishtatiaka ima la chi̱ hoke, achi li tok a̱ ish onashke.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 10:10

Mihma nʋnih ha̱ ʋmmona tok a̱ chohmit, nitak pokoli ushta, micha ninak pokoli ushta ho̱ ahanta li tok; mihma Chihowah yʋt nitak yʋmmak kia a̱ haponaklo cha, Chihowah yʋt isht ik chi kancho tok.

Tutelonomi 10:12

Yohmi ka̱ himak a̱ Islael ma, nanta ho̱ chin Chitokaka Chihowah yʋt chim ahoyo cho? amba chin Chitokaka Chihowah ya̱ i̱ nukwiʋt, i̱ hina moma ka̱ ano̱ho̱wa, micha holitoblit, micha chin Chitokaka Chihowah ya̱ chu̱kʋsh ai oklu̱hʋt, micha chi shilombish ai oklu̱hʋt isht ish im antia ho̱.