Tutelonomi 10:10 - Chahta Holisso Holitopa 1886

¹⁰ Mihma nʋnih ha̱ ʋmmona tok a̱ chohmit, nitak pokoli ushta, micha ninak pokoli ushta ho̱ ahanta li tok; mihma Chihowah yʋt nitak yʋmmak kia a̱ haponaklo cha, Chihowah yʋt isht ik chi kancho tok.

Tutelonomi 10:10 Iomraidhean Croise

Eksotʋs 24:18

Mihma Moses ʋt iʋt hoshonti iklʋnna ka̱ ibachukowʋt nʋnih ha̱ oiya tok; micha Moses ʋt nʋnih ha̱ ahanta na, nitak pokoli ushta micha ninak pokoli ushta tok.

Eksotʋs 32:14

Mihma Chihowah yʋt im okla ha̱ i̱ sanalit nanuk achukmo yʋmihcha chi̱ hosh anukfilli tuk ʋt issa tok.

Eksotʋs 33:17

Mihma Chihowah yʋt Moses a̱, Ish anumpuli tuk, ilʋppak kia yʋmihchi la chi̱ hoke. Ʋm isht i̱ kana ya̱ ish ahayuchi tuk okʋt, micha chi hohchifo ha̱ ithana li hoke, im achi tok.

Eksotʋs 34:28

Micha yʋmma nitak pokoli ushta, micha ninak pokoli ushta ho̱ Chihowah takla ahanta tok, pʋska ya̱ ikpo, micha oka ya̱ ik ishko tok; micha nan ʋlhpisa anumpa nan ʋlhpisa pokoli yash tʋli patʋssa ya̱ ai o̱ holissochi tok,

Mahlu 27:42

Inla yokʋno okchalinchi hatuk okak osh, ilap inli kʋto ile okchalincha he keyushke. Ilʋppak osh Islael a̱ i̱ mi̱ko yatuk okmʋt, himonasi ak o̱ iti‐taiyukhʋna ya̱ auet ik akowá, yohmikmak o̱ iloh i̱ yimmashke.

Tutelonomi 10:11

Micha Chihowah yʋt, Wakaya cha, okla ha̱ itikba ia, yʋmohmikma ima la chi̱ hosh i̱ki ʋhleha ha̱ anumpa kʋllo im ilonochit, anumpule li tok a̱ iba chukowa cha, yakni ya̱ ish ashke.

Tutelonomi 9:25

Yʋmohmi ma ʋmmona ka̱, aka itola li tuk a̱ chohmit, Chihowah itikba ya̱ nitak pokoli ushta, micha ninak pokoli ushta ho̱ a̱ka itoyula li tok; Chihowah yʋt ishit hʋchi kancha chi̱, miha ha tok oka.