Tutelonomi 1:8 - Chahta Holisso Holitopa 1886

⁸ Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 1:8 Iomraidhean Croise

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 15:16

Yohmi kia aiitishali ont aiushta kʋto anonti ilʋppa ai ʋla hi oke: Amolait okla nan ai asha̱hanchi kʋt ik aloto ki̱sha hoka, im achi tok.

Genesis 15:18

Mih nitak fehna Chihowah yʋt Eblam a̱ nana itim apesʋt, Echip okhina yak o̱ aiʋhlit ia hosh okhina chito Euflates okhina ont ʋhli;

Eksotʋs 23:31

Micha chim aiʋhli ya̱ okhʋta Humma ʋttʋt ia hosh Filistin im okhʋta ont ʋhli, micha chokushmi ʋttʋt ia hosh okhina ont ʋhli kak o̱, ʋhlichit apesa la hi oke; yakni ya̱ okla aiasha ka̱ chibbak fohki la chi̱ hoke; mikma chi tikba tihlelit ish kohcha hi oke.

Eksotʋs 33:1

Mihmʋt Chihowah yʋt Moses a, Iah, micha chishno, micha chim okla ha̱ Echip yakni ya̱ apehlichit ish kohchi tok aienʋt ilʋppa ashʋt iʋt, yakni Eblaham, micha Aisak, micha Chekob aiena ka̱ anumpa kʋllo im il onochit chim ishtatiaka ima la chi̱ hoke, achi li tok a̱ ish onashke.

Numbas 14:23

I̱ki ʋhleha anumpa kʋllo il onochit im issa li tok yakni ya̱ pisa he keyu; micha sa nukowʋchi tuk puta hokʋto pisa chi̱ keyu pulla hoke.

Numbas 32:11

Afʋmmi pokoli tuklo ishtiʋt ʋba ma̱ya hosh Echip yakni ya̱ kohchʋt minti tok ʋt, hatak achʋfa kia, anumpa kʋllo anumpulit, Ebleham, Aisaak, micha Chekob a̱ im issa li tok yakni ya̱ pisa chi̱ keyu pulla hoke; aioklu̱hʋt ʋm antia tuk keyu hokʋt,

Tutelonomi 1:11

Hʋchi̱ki ʋhleha in Chitokaka Chihowah yʋt himak a̱ hʋsh kaniohmi ka̱ laua kʋt tahlepa sipokni hoh kia i̱ shahli ha̱ hʋch ikbashke; yʋmihcha he hʋchi̱ miha tok mak osh, hʋchi yukpalashke.

Tutelonomi 1:35

Hatak ilʋppa puta aionchuloli haksi ilʋppa ai achʋfa tuk ʋt achʋfa kia i̱ki ʋhleha ima la he, mihʋt anumpa kʋllo anumpule li tok, yakni achukma ilʋppa pisa chi̱ keyu pulla hoke.

Tutelonomi 10:11

Micha Chihowah yʋt, Wakaya cha, okla ha̱ itikba ia, yʋmohmikma ima la chi̱ hosh i̱ki ʋhleha ha̱ anumpa kʋllo im ilonochit, anumpule li tok a̱ iba chukowa cha, yakni ya̱ ish ashke.

Tutelonomi 11:24

Kanima moma hʋch iyi pʋtta yʋt ano̱ho̱wa kʋt hʋchimmi ha chi̱ hoke; yakni haiaka, micha Lebanon ʋttʋt okhina Euflates okhina ʋttʋt ia hosh okhʋta ont ʋhli fehna ont ʋhli kak osh hʋchim ai ʋhli ya chi̱ hoke.

Tutelonomi 11:9

Yʋmohmi hosh Chihowah yʋt hʋchi̱ki ʋhleha, micha im isht atiaka aiena ka̱ ima chi̱ hosh, anumpa kʋllo im ilonochi tok a̱ nitak hʋchi̱ falaia yakni yash pishukchi, micha foe bila ayana̱hanli yakni ya̱ hʋsh ai aha̱shwashke.

Tutelonomi 2:29

(Esau im ʋlla ʋhleha, yʋmmʋt Sei aiasha kʋt, micha Moabait ʋhleha Ah aiasha kʋt si yʋmihchi tuk oka;) yʋmohmi na, Chatan a hlopullit pin Chitokaka Chihowah yʋt yakni pima tok a̱ ona lashke, achi li tok.

Tutelonomi 26:15

Ish aiahanta holitopa, ʋba aholitopa ya̱ binilit aka et ish hopo̱koyashke, micha chim okla Islael, micha yakni ilʋppa pi̱ki ʋhleha ha̱ anumpa kʋllo ish im ilonochi tok mak osh, yakni pishukchi micha foe‐bila aiena kʋt ayanahanli ya̱ ish pima tok ʋt na yukpali ish onochashke, ish achashke.

Tutelonomi 26:3

Micha naholitompa isht ʋtta ʋt nitak yʋmma anta tuk a̱ im ona cha, Himak nitak a̱ Chihowah yʋt yakni pima chi̱ hosh pi̱ki ʋhleha ha̱ anumpa kʋllo il im onochi tok a̱ ʋla li kʋt, chin Chitokaka Chihowah ya̱ im anohonli lishke, ish im acha hi oke.

Tutelonomi 28:11

Yakni ya̱ chima chi̱ hosh chi̱ki ʋhleha ha̱ anumpa kʋllo im ilonochi tok ʋt, Chihowah yʋt chim ʋlhpoyak, chi haknip a toba, micha chi̱ nan ʋlhpoba a waya, micha chi̱ yakni a waya aiena ka̱ a chi lauacha hi oke.

Tutelonomi 29:12

Chin Chitokaka Chihowah ya̱ nan itim apesa, micha im anumpa kʋllo anumpulit, himak nitak a̱ chin Chitokaka Chihowah yʋt chitim api̱hi̱sa ka̱ ish itim apesa chi̱ ha tuk oke.

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Tutelonomi 31:7

Mihmʋt Moses ʋt Choshua ya̱ hoyo cha, Islael moma kʋt pi̱sa ho̱, Ish kʋllashke; micha ish aiyimitashke; okla ilʋppa pehlichit, Chihowah yʋt i̱ki ʋhleha ha̱ yakni ya̱ ima chi̱ hosh anumpa kʋllo im ilonochi tok a̱ ish onashke; micha ish a binilicha chi̱ hoke,

Tutelonomi 34:4

Micha Chihowah yʋt, Yakni ilʋppak o̱ Eblaham Aisak, micha Chekob aiena ka̱ anumpa kʋllo im ilonochit, chim ishtatiaka ya̱ ima la hi yoke, achi li tok mak oke: chi nishkin ishit chi pisachi lishke, yohmi kia pit hlopullit yʋmma ish ia he keyu hoke.

Tutelonomi 4:1

Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.

Tutelonomi 6:10

Atukma yakohma hi oke, Chitokaka chin Chihowah yʋt yakni ya̱ chi̱ki ʋhleha Eblaham, micha Aisak, micha Chekob aiena ka̱ anumpa il o̱nochit im issa tuk ʋt chisht onakmʋt, tʋmaha holihta ho chito, micha hochukma aiokli ish ikbi tok keyu yo̱,

Tutelonomi 7:12

Yʋmohmi kak o̱ yakohma hi oke, aiʋlhpiesa yʋmi̱hinchi ilʋppa puta ka̱ haklot hʋsh ieshi cha, hʋsh yʋmi̱hinchikma, chin Chitokaka Chihowah yʋt chi̱ki ʋhleha anumpa kʋllo im ilonochi tok ʋt nan itim apesa, micha isht i̱ nukha̱klo aiena ka̱ hʋchim iesha hi oke.

Tutelonomi 7:13

Micha chi holitobla hi oke, micha chi yukpala hi oke; micha chi apaknʋcha hi oke; micha chim oshʋto awaya, micha chi̱ yakni awaya, chim onush, micha chim oka pa̱ki, micha chi̱ bila, chi̱ wak awaya, micha chi̱ nanʋlhpoa chipunta puta aiena ka̱, yakni yo̱ chima he yash chi̱ki ʋhleha ha̱ anumpa kʋllo im ilonochi tok ʋt a na chi yukpa lashke.

Tutelonomi 7:8

Amba Chihowah yʋt hʋchi̱ hullo kak a tok, micha hʋchi̱ki ʋhleha anumpa kʋllo im ilonochi tok ʋt a̱hlicha he ahni pulla kak osh, ibbak kʋllo hosh pehlichit hʋchi kohchi tok oke; micha hatak yuka hosh aboha hʋsh aiasha tuk a Echip i̱ mi̱ko Falaoh ibbak a̱ kohchit hʋchi okchalinchi tuk oke.

Tutelonomi 8:1

Anumpa ʋlhpisa puta himak nitak a̱ chim anumpo̱honli li ka̱ ithaiyanʋt ish yʋmihchashke, yʋmohmi hosh hʋchi okcha̱yashke, micha hʋsh apakna cha, Chihowah yʋt hʋchi̱ki ʋhleha ha̱ anumpa kʋllo im il onochi tok a̱ yakni yash chukowʋt hʋsh binilashke.

Tutelonomi 9:5

Ish ai ʋlhpiesa, micha chi chu̱kʋsh ʋt ai ʋlhpiesa kak osh i̱ yakni ya ishit a binilit ish ia keyu; amba oklushi ilʋppa puta haksi kak o̱, micha anumpa kʋllo ya̱ chi̱ki ʋhleha Eblaham, Aisak, micha Chekob aiena im il onoch i tok anumpa ha̱ aia̱hlicha chi̱ hosh chin Chitokaka Chihowah yʋt chi tikba a tihlelit kocha weli hoke.

Heblu 6:13

Yohmi ka Chihowa hʋt Eblaham a̱ nana ka im ihi̱sa hokʋt ilap inli ho̱ ai isht anumpa kʋllo il onochi kʋt, i̱ shahli kanima ai isht anumpa kʋllo il onocha he keyu kak atok,

Heblu 6:14

A̱hlishke yukpahanlit chi yukpali la he, mikmʋt lauahanchit chi lauachi la hi oke, ahanchi tok.

Choshua 1:6

Kʋllot chim anukfila cha, nukwia ikshot ish amosholashke: yakni ilʋppa ima la hi ʋt i̱ki ʋhleha ha̱ anumpa kʋllo isht il onochit im ihi̱ssa li tok a̱, okla ilʋppa immi hachi̱ mak o̱ ish it akʋshkola chi̱ hokʋt.

Nan Apesa 2:1

Yohmi ma Chihowa im enchel ʋt Kilkal pilla minti hosh Bochim a̱ ʋla mʋt, Echip a̱ hʋchi kohchichit, hʋch i̱ki ʋhleha ha̱ anumpa kʋllo il onochit im issa li tok yakni ya̱ hʋch isht ʋla li tok: micha anumpa chit im apesa li tok ʋt kobʋffi la himma keyu;