Tutelonomi 1:7 - Chahta Holisso Holitopa 1886

⁷ Hʋsh fullota cha, itʋnowʋt a̱yʋt, Amolait okla i̱ nʋnih, micha bili̱ka taloha moma, yakni patali, micha nʋnih foka, micha okfa, micha okamahli, micha okhʋta lapalika aiena, Kananait okla i̱ yakni, micha Lebanon aiena ka̱ onʋt okhina chito Eufalates okhina ya̱ hʋsh onashke.

Tutelonomi 1:7 Iomraidhean Croise

Genesis 12:9

Mihmʋt, Eblam ʋt iʋt oka mahli pilla ho̱ ma̱ha̱ya tuk ʋt moma hosh a̱ya tok.

2 Samuel 8:3

Lewi ʋt i̱ yakni ai ʋhli Euflates okhina ya̱ falʋmminchit isha chi̱ hosh iʋt a̱ya mʋt, Lehob ushi Hatatese Sobah i̱ mi̱ko ya̱ issot kanchi tok.

Eksotʋs 23:31

Micha chim aiʋhli ya̱ okhʋta Humma ʋttʋt ia hosh Filistin im okhʋta ont ʋhli, micha chokushmi ʋttʋt ia hosh okhina ont ʋhli kak o̱, ʋhlichit apesa la hi oke; yakni ya̱ okla aiasha ka̱ chibbak fohki la chi̱ hoke; mikma chi tikba tihlelit ish kohcha hi oke.

Numbas 10:12

Yohmi ma Islael im ʋlla ʋhleha hʋt Sinai yakni haiaka isht ia tok; atuk o̱ Pelan yakni haiaka yak o̱ hoshonti hʋt ont talaia tok.

Tutelonomi 1:19

Atuk o̱ Holeb a̱ ashʋt il ia mʋt, yakni haiaka chito, micha palʋmmi, hina takla Amolait okla i̱ nʋnih ha̱ hʋsh a pisa chash pin Chitokaka Chihowah yʋt pim apesa tuk mak o̱ mominchit e hlopulli tok; mihmʋt Katesh‐banea ya̱ ela tok.

Tutelonomi 11:11

Amba yakni hʋsh isha chi̱ hosh, yʋmma hʋsh ia kʋt, nʋnih, micha okfa, aiena aiasha yosh shutik ʋt et ai umba oka ak o̱ ishi hoke.

Tutelonomi 11:24

Kanima moma hʋch iyi pʋtta yʋt ano̱ho̱wa kʋt hʋchimmi ha chi̱ hoke; yakni haiaka, micha Lebanon ʋttʋt okhina Euflates okhina ʋttʋt ia hosh okhʋta ont ʋhli fehna ont ʋhli kak osh hʋchim ai ʋhli ya chi̱ hoke.

Choshua 1:4

Yakni haiaka ya̱ hikiʋt ia hosh Lebanon ilʋppa ona cha, okhina chito, okhina Euflates pit afullotʋt, Hitait i̱ yakni ʋt moyuma hosh, okhʋta chito hʋshi ai okatula imma itoyula ka ilʋppak o̱ ont hʋchim ai ʋhla hi oke.

Choshua 10:40

Yohmi hosh Choshua ʋt nʋnih foka yakni moma, micha oka mahli pilla, micha okfa, mikmʋt kʋli foka, micha i̱ mi̱ko atuk moma ka issot kanchi tok: achʋfa kia ik hlakofecho hosh, amba Islael in Chitokaka Chihowa yʋt im apesa tuk mak osh fihompa moma ka okpʋnit ʋmohmichi tok.

Choshua 24:15

Micha Chihowa im antia ka ik achukmo hʋsh ahnikmʋt, kʋna ho̱ hʋsh im antia chi̱k mʋt himak nitak a̱ hʋsh atokolashke, na holbʋt toba puta okhina mish tʋnnʋp aiasha na hʋch i̱ki ʋhleha hʋt aiokpʋchi tok ak okmá, keyukmʋt Amolait okla i̱ yakni ya̱ hʋsh aiasha kʋt i̱ na holbʋt toba puta yak okmá nanakmʋt, amba ʋno, micha an chuka achʋfa ʋto Chihowa ak o̱ il im antia chi̱ hoke, im achi tok.

Choshua 9:1

Atuk o̱ yakohmi tok, mi̱ko ʋhleha Chatan ola in tʋnnʋp, nʋnih foka, micha okfa foka, micha okhʋta chito ʋhli moma Lebanon i chapaka, Hitait okla, micha Amolait okla, Kenanait okla, Pelissait okla, Hifait okla, micha Chebusait okla aiena aiasha kʋt haklo mʋt;

Nan Otʋni 9:14

Enchil ushta talakchi yosh okhina chito Euflates a̱ oka a̱sha ka ont ish i̱ hotofashke, im achi ho̱ haklo li tok.