Tutelonomi 1:6 - Chahta Holisso Holitopa 1886

⁶ Pin Chitokaka Chihowah yʋt Holeb a̱ a pim anumpulit, Nʋnih ilʋppa hʋsh ahanta tok a̱ hopaki kʋt ʋlhpesʋshke.

Tutelonomi 1:6 Iomraidhean Croise

Eksotʋs 17:6

Yakeh, yʋmma chitikba Holeb a̱ tʋli chito paknaka hikia la chi̱ hoke, mihma tʋli ya̱ ish issa chi̱ hoke, mikma oka yʋt tʋli ya̱ a kohcha na, okla hʋt oka ishka chi̱ hoke, im achi tok. Mihma Islael im asʋnonchi ʋhleha hʋt pi̱sa ho̱ Moses ʋt yʋmihchi tok.

Eksotʋs 3:1

Yohmi ka̱ Moses ʋt ipochi naholitompa isht ʋtta Mitian ʋtta Chehlo i̱ nan ʋlhpoa chipunta ya̱ im apesʋchi tok; atuk osh nan ʋlhpoa chipinta ya̱ pehlichit isht a̱yʋt, yakni haiaka ya̱ ont a̱shakah ishtona mʋt, Chitokaka in nʋnih chaha Holeb a̱ ona tok.

Numbas 9:22

Keyukmʋt nitak tuklo hokmá, keyukmʋt hʋshi achʋfa hokma, keyukmʋt afʋmmi achʋfa hokma, nana ho̱ hoshonti hʋt binah paknaka talaia cha on talaia momakma, Islael im ʋlla ʋhleha hʋt im ʋlhtipo aiasha cha, nowʋt ik aiyo tok; amba ʋba isht iakma nowʋt ia beka tok.

Tutelonomi 1:5

Chatan ola in tʋnnʋp Moab yakni ya̱, Moses ʋt nan ʋlhpisa ilʋppa ai im anumpulit ishtiʋt,

Tutelonomi 18:16

Holeb a̱ itʋnahʋt ish aiasha nitak mʋt, chin Chitokaka Chihowah ya̱ ish im ahni moma kʋt, An Chitokaka Chihowah itih ha̱ anonti ak haklo kashke, micha himakma luak chito ilʋppa ak peso kashke, yʋmohmi hosh ik sʋllo kashke, ish achi tok.

Tutelonomi 5:2

Pin Chitokaka Chihowah yʋt pishno ak o̱ Holeb a̱ nan a pitim api̱hi̱sa tok oke.

Tutelonomi 9:8

Holeb ak kia, Chihowah im ai i̱ nukkilli ya̱ hʋsh nokowʋchi tok; yohmi na Chihowah yʋt nuklibisha cha, ishit hʋchi kancha chi̱ ha tok.