Tutelonomi 1:43 - Chahta Holisso Holitopa 1886

⁴³ Yohmi ho̱ hʋchim anumpule li tok; yohmi ma hʋsh haponakla he keyu tok; amba Chihowah im anumpa ha̱ i̱ filʋmmit hʋsh i̱ sanali cha, ilapunlʋt nʋnih foka hʋshla tok.

Tutelonomi 1:43 Iomraidhean Croise

Numbas 14:40

Atuk osh onnahinli fehna moma ho̱ okla hʋt wakaya cha nʋnih oiyʋt paknaka ona mʋt, Yakeh, ilʋppa e hielishke, micha yakni Chihowah yʋt pim issa tok a̱ il ia chi̱ hoke, pi yoshoba tuk okʋt, achi tok.

Numbas 14:44

Yohmi kia ilapunlʋt iʋt nʋnih paknaka ya̱ ona tok; yohmi kia Chihowah nan itim apesa afohka itombi holitopa micha Moses aiena kʋto binah ha̱ ik kohcho tok.

Numbas 15:30

Amba hatak nana hosh, peh ilapunla hosh nana akaniohmikmʋt, yakni yash inli ai ʋtta tuk okma keyukmʋt okla inla yokmá nana kia, yʋmmak okʋt Chihowah ishit yopoma hoke: mikmʋt hatak yʋmmʋt im okla ai iti takla ya̱ fiopa tʋpa hi oke.

Apostel isht Anumpa 7:51

Ikunla kʋllo, micha chu̱kʋsh mikmʋt haksobish aiena wishakchi ik tapo hʋchia hʋt, Shilombish Holitopa ya̱ i̱ sʋnalit hʋsh bilia. Hʋchin tikba ʋhleha hʋt yohmi tok a̱, hʋsh chiyuhmishke.

Tutelonomi 1:26

Yohmi hak inli kia hʋsh ia he keyu tok; amba hʋchin Chitokaka Chihowah im anumpa ha̱ hʋsh kobʋffi tok.

Tutelonomi 17:12

Mikma hatak kʋna hosh ilapunla cha, naholitompa isht ʋtta yʋt chin Chitokaka Chihowah itikba ya̱ hikiʋt, yʋmmak o̱ nan isht ai ahanta ka̱ ik i̱ haponaklo, keyukmʋt nan apesa yo̱ ik i̱ haponaklokmʋt, hatak yʋmmʋt illi pulla hi oke; micha Islael a̱ nan ik achukmo ya̱ ishit ish kancha hi oke.