Tutelonomi 1:42 - Chahta Holisso Holitopa 1886

⁴² Mihma Chihowah yʋt ʋm achi mʋt, Hʋsh ia ná, micha hʋsh itibi ná, hʋchiba fo̱ka li keyu hoke; keyukmʋt hʋchin tʋnʋp ʋhleha ha̱ itikba hʋchi akakoha na, ish im achashke, ʋm achi tok.

Tutelonomi 1:42 Iomraidhean Croise

Lefitikʋs 26:17

Mikma sa nashuka ya̱ isht hʋchi̱ sanalichi likma, hʋchin tʋnʋp itikba ya̱ hʋch illa hi oke; hʋchi̱ nukkilli puta kʋt hʋchi pehlicha hi oke, mikma kʋna hosh hʋchi hlioli keyu kia hʋsh tihla̱ha̱ya hi oke.

1 Samuel 4:10

Mihmʋt Filistin ʋhleha hash osh itibi ma, Islael ʋt akakoha tok: mihmʋt okla yihlepa cha, hatak ʋt i̱ binah aiyukali ka ona tok: mihma illi kʋt laua fehna tok; Islael ʋt hatak aka a̱ya ʋt tahlepa sipokni pokoli tuchina hosh akakoha tok oke.

1 Samuel 4:2

Mihma Filistin okla hʋt Islael a̱ itiba chi̱ kʋt im ʋlhtahʋt hieli tok: mihmʋt itibit itafama ma, Islael ʋt Filistin okla itikba akakoha tok; micha ai itibi yʋmma tʋshka chipota ya̱ tahlepa sipokni ushta foka ho̱ okla ʋbi tok.