Tutelonomi 1:37 - Chahta Holisso Holitopa 1886

³⁷ Micha Chihowah yʋt hʋchishno pulla kak o̱ a̱ nukowa cha̱, yʋmma ish chukowa he keyu, ak inli.

Tutelonomi 1:37 Iomraidhean Croise

Numbas 20:12

Mihma Chihowah yʋt Moses micha Alon a̱ im anumpulit, Hʋchik sa̱ yimmot Islael im ʋlla ʋhleha itikba ya̱ hʋchik sa holitoblo tuk okʋt, yʋmohmi tuk okʋt okla ilʋppa pehlichit yakni ima li tok a̱ isht hʋsh chukowa chi̱ keyu hoke, im achi tok.

Numbas 27:18

Mihma Chihowah yʋt Moses a̱ im anumpulit, Nʋn ushi Choshua hatak shilombish nukfoka yʋmmak o̱ ish ishi cha chibbak ish onochashke.

Tutelonomi 3:27

Oiyʋt, Piskah paknaka ya̱ ish onashke, micha hʋshi aiokatula pilla, micha falʋmmi pilla, micha oka mahli pilla, micha hʋshi akochaka pilla pit ish hopo̱koyashke, micha chi̱ nishkin a̱ isht ish pisashke: amba Chatan ilʋppa ish hlopulla chi̱ keyu hokʋt.

Tutelonomi 3:28

Yohmi kia Choshua ya̱ atokolit im anumpulit, aiyimitʋchit, ish hlampkochashke; yʋmmak osh okla ilʋppa itikba tanʋbli cha, yakni ish pisa chi̱ ka̱ a binilicha chi̱ hoke, ʋm achi tok.

Tutelonomi 31:2

Micha himak nitak a̱ afʋmmi tahlepa cha, pokoli tuklo li hoke; himakma kuhchʋt iʋt, ant chukowa la he keyu hoke; micha Chihowah yʋt Chatan ilʋppa ish hlopulla he keyu, a̱ miha ha tuk oke;

Tutelonomi 32:52

Yohmi kia yakni ʋt chi tikba talaia na ish pisa chi̱ hoke; yohmi kia yakni Islael im ʋlla ʋhleha ima li tok a̱ yʋmma iʋt ish ona he keyu hoke, achi tok.

Tutelonomi 34:4

Micha Chihowah yʋt, Yakni ilʋppak o̱ Eblaham Aisak, micha Chekob aiena ka̱ anumpa kʋllo im ilonochit, chim ishtatiaka ya̱ ima la hi yoke, achi li tok mak oke: chi nishkin ishit chi pisachi lishke, yohmi kia pit hlopullit yʋmma ish ia he keyu hoke.

Tutelonomi 4:21

Micha Chihowah yʋt hʋchishno ak a tuk pulla mak o̱, a̱ nukhobela cha, anumpa kʋllo anumpulit, Chatan a̱ ak hlopullo ka he, micha yakni achukma yʋmma hʋchi̱ yakni ya̱ chi̱ ho̱ chin Chitokaka Chihowah yʋt hʋchima tok a̱ ak chukowo ka chi̱ miha tok,

Tutelonomi 4:22

Amba yakni ilʋppak o̱ a sʋlla chi̱ hoke, Chatan a̱ hlopulli la he keyu hoke; amba hʋchishno ʋto hʋsh hlopulli cha, yakni achukma yʋmma hʋsh iesha chi̱ hoke.