Tutelonomi 1:32 - Chahta Holisso Holitopa 1886

³² Yohmi kia nana ilʋppa hʋchin Chitokaka Chihowah ya̱ hʋsh i̱ yimmi tok keyu hoke.

Tutelonomi 1:32 Iomraidhean Croise

Atʋloa 106:24

Atuk o̱ ʋnonti yakni achukma ya̱ shittilema tok; im ʋnnumpa ha̱ ik yimmoh mʋt,

Atʋloa 78:22

Chitokaka ya̱ ik i̱ yimmoh mʋt, im aiokcha̱ya ya̱ ik anukchieto kak ʋttok.

Numbas 14:11

Mihma Chihowah yʋt Moses a̱ katiohmi foka ho̱ okla ilʋppʋt sa nukowahancha chi̱ cho? micha katiohmi fokak mak o̱ nan isht atokowa puta im iti takla ai otʋnihinchi li kak o̱ a̱ yimma chi̱ cho?

Heblu 3:12

Itibapishi li ʋhleha hʋt ahah! hʋsh ai ahnashke, chu̱kʋsh okpulo, nan ik yimmo Chihowa okcha̱ya ya̱ isht hʋsh ai i̱ filʋmma hinla kʋt, hʋsh kanima ka ik hʋchi anukfoyuko kashke.

Heblu 4:2

Isht ai yukpa anumpa yash ot pishno ak kia pim annoho̱wa kʋt, yʋmmʋt im annoho̱wa tok ash o̱ chiyuhmi tok: yohmi kia anumpa im annoho̱wa kʋt nan isht im achukma tok keyu kʋt, anumpa haha̱klo yʋmmak okʋt na yimmi ya̱ ibafo̱ki keyu ak atok.

Chute 1:5

Yʋmohmi ka Chitokaka yokʋt kanimihchit Echip yakni a̱ a kohchit okla ha̱ hlakofichi ha yʋt na yimma he keyu ʋhleha hokʋno ʋbit taiyahli tok; ilʋppa himonna ma hʋsh ithana hatuk ak inli kia, hʋsh ithaiyana he mak o̱ hʋchim ai ahni lishke.