Tutelonomi 1:31 - Chahta Holisso Holitopa 1886

³¹ Micha yakni haiaka hʋsh ata̱ya moma ka̱, hatak osh ushi shoyuli ka̱ chohmit, hʋchin Chitokaka Chihowah yʋt kaniohmit chi shoyuli ho̱ pi̱hi̱sʋt ilʋppa hʋshla tuk oke.

Tutelonomi 1:31 Iomraidhean Croise

Atʋloa 28:9

Chim okla ha̱ ish okchalinchi cha, chimmi hatuk ʋt ish yokpalashke, micha chukfʋlhpoba chomihchit ʋpesʋchit isht ish a̱ya na billiashke.

Eksotʋs 19:4

Echip okla ha̱ nana ka̱ kaniohmichi li ka̱ hʋsh pisa tuk oke; micha o̱ssi sanahchi om binilichit shaiyalit a̱ bili̱ka hʋch isht ʋla li tuk a̱ hʋsh pisa tuk oke.

Numbas 11:14

Ʋno ak illa hosh okla ilʋppa moma ka̱ shali la hekeyushke, a̱ weki fehna hokʋt.

Apostel isht Anumpa 13:18

Micha afʋmmi pokoli ushta foka yakni haiaka okla nana a kaniohmi ka, ant ik yohmí, im ahni tok.

Tutelonomi 32:6

Okla im anukfila iksho, micha ik hopoyukso ma; yʋmohmi hosh Chihowah ya̱ hʋsh im atobbi cho? chi̱ki yosh chi chumpa tuk keyu cho? chikbi cha kʋllochit chi hilechi tuk keyu cho?

Tutelonomi 8:5

Micha hatak osh ushi ya̱ na hotopa onochi cha tuk a̱ chohmi hosh chin Chitokaka Chihowah yʋt na hotopa chi onochi tok a̱, chi chu̱kʋsh isht anukfillit ish pi̱hi̱sashke.