Tutelonomi 1:30 - Chahta Holisso Holitopa 1886

³⁰ Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Tutelonomi 1:30 Iomraidhean Croise

Atʋloa 46:11

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Eksotʋs 10:21

Mihma Chihowah yʋt Moses a̱ Chibbak a̱ ʋba pit ish wielashke; yohmi na okhlili hʋt okhlili ha̱ yakohmi, ahna he ʋlhpesa hosh Echip yakni paknaka ya̱ onʋtoyulashke, im achi tok.

Eksotʋs 14:14

Chihowah yʋt hʋchim itiba chi̱ hoke; mihma luhmʋt hʋsh hiela chi̱ hoke, im achi tok.

Eksotʋs 14:25

Micha tʋnʋp im itichanʋlli chʋnaha ya̱ shu̱fi na, shalʋllit weki tok; yohmi ma Echip okla hʋt Islael ʋhleha i̱ filʋmmit eho tihlaiyashke, Chihowah yʋt Echip okla ha̱ i̱ sanalit im itibi hoka, achi tok.

Eksotʋs 19:4

Echip okla ha̱ nana ka̱ kaniohmichi li ka̱ hʋsh pisa tuk oke; micha o̱ssi sanahchi om binilichit shaiyalit a̱ bili̱ka hʋch isht ʋla li tuk a̱ hʋsh pisa tuk oke.

Loman 8:31

Yakohmi kʋno nana ilʋppa puta imma hokʋno nanta hak o̱ il acha hinla ho̱? Chihowa hak osh pi̱ kana hokma, kʋta hosh pi̱ sanala hinla ho̱?

Loman 8:37

Yʋmmak illa keyu, nan oklu̱ha ilʋppa puta ka ilap pi̱ hullo tuk pulla kak o̱ im aiyachi yak kia il i̱ shahli hoke.

Tutelonomi 1:29

Yohmi ma, Hʋsh i̱ komunta na, micha yʋmmak o̱ hʋsh i̱ nukshopa na,

Tutelonomi 11:3

Micha i̱ na fehna, micha i̱ nan yʋmi̱hinchi Echip ai iklʋnna, Echip i̱ mi̱ko Falaoh, micha i̱ yakni moma ka̱ onohonchi tok a̱;

Tutelonomi 29:2

Mihma Moses ʋt Islael moma ka̱ hoyo cha, im anumpulit, Echip yakni chi tikba ya̱ Falaoh, micha in tishu ʋhleha moma aiena, micha i̱ yakni moma aiena ka̱ Chihowah yʋt kaniohmichi tok moma ka̱ hʋsh pi̱sa ha tuk oke.

Tutelonomi 3:22

Hʋsh i̱ nukshopa he keyu: Chin Chitokaka Chihowah yʋmmak osh chim itiba chi̱ hoke, chim achi li tok.

Tutelonomi 31:3

Chin Chitokaka Chihowah ak osh chi tikba iʋt hlopulli cha oklushi ilʋppa puta ka̱ chi tikba ai isht kancha chi̱ hoke, mikma ish isha chi̱ hoke: mikma Chihowah yʋt achi tuk mak o̱, Choshua yʋmmak osh chi tikba iʋt hlopulla chi̱ hoke.

Tutelonomi 34:11

Yohmi kʋt nan isht atokowa puta, micha nana afehna puta, yʋmmak oka Echip yakni Falaoh, micha in tishu ʋhleha moma, micha i̱ yakni moma aiena ka̱ onochit yʋmihcha chi̱ ka̱ Chihowah yʋt tohno tok.

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 7:18

Ish i̱ nukshopa he keyu hoke; amba chin Chitokaka Chihowah yʋt Falaoh, micha Echip moma ka̱ i̱ kaniohmichi tok a̱ ish ithaiyana fehna chi̱ hoke;

Choshua 10:14

Chihowa ʋt hatak im anumpa ha̱ a haiyaklo tok nitak yʋmma chohmi kʋt tikba, micha i̱ himmak a̱ iksho ki tok: Chihowa yʋt Islael a̱ im itibi hatuk oka.

Choshua 10:42

Micha mi̱ko ilʋppa puta, mikmʋt i̱ yakni ya̱ Choshua ʋt himonna achʋfa ho̱ ishi tok; Islael in Chitokaka Chihowa ak osh Islael a̱ im itibi hatuk oka;

Choshua 23:3

Micha Chihowa hʋchin Chitokaka yʋt hʋchishno pulla kak o̱ oklushi ilʋppa puta ka kaniohmihinchi tuk a̱ hʋsh pi̱sʋshke; Chihowa hʋchin Chitokaka yʋmmak osh hʋchim itibi tuk oka.