Tutelonomi 1:27 - Chahta Holisso Holitopa 1886

²⁷ Mihmʋt hʋchi̱ bina puta a̱shʋt na mihʋt anumpulit, Chihowah yʋt pi nukkilli kak osh Echip yakni ya̱ pi kohchit pisht ʋla cha, Amolait ibbak a̱ pi fohki na, ʋbit pi tahla chi̱ ha tuk oke.

Tutelonomi 1:27 Iomraidhean Croise

Atʋloa 106:25

Im ʋlhtipo puttah aiyashʋt ilachua tok; Chihowa im ʋnnumpa ha̱ oklah ik hʋponaklo ki tok.

Eksotʋs 16:3

Micha Islael im ʋlla ʋhleha hʋt, Chitokaka yʋt ahni na, Echip yakni ya̱ Chihowah ibbak ishit pilli tuk bano, nipi shuti yo̱ il a chieya, micha pʋska ʋpʋt pi kaiya ma, yakni haiaka ilʋppa pisht hʋshla, okla ilʋppa moma ho̱ hohchʋfo isht ʋbit hʋsh tahla chi̱ hoka, im achi tok.

Eksotʋs 16:8

Micha Moses ʋt Ilʋppak achi̱ hoke, Chihowah yʋt opiakma nipi ʋpa chi̱ ho̱ hʋchima, atuk osh onnahinlikma pʋska hʋchimʋt hʋchi kaiyachikma, Chihowah yʋt nanumachi ishti̱sanalit hʋsh nanumachi ka̱ haklo hoka, pishno ʋto nanta pia hoh cho? hʋsh nanumachi kʋt pishno ak o̱ keyu; amba Chihowah ak oke, im achi tok,

Numbas 14:3

Nanta katiohmi ho̱ bʋshpo falaia ishit pi akakoha na, pi tekchi micha pim ʋlla aiena kʋt nawehpoa toba chi̱ ka̱, Chihowah yʋt pi pehlichit yakni ilʋppa pishit ʋla tuk oh cho? Echip yakni falamʋt il ona ka̱ achukma kʋt pim i̱ shahla hinla keyu cho? ahanchi tok.

Numbas 21:5

Micha okla hʋt Chitokaka ya̱ i̱ sanalit, micha Moses a̱ i̱ sanalit anumpulit, Nanta katiohmi ho̱ yakni haiaka ai illit pi taha chi̱ ho̱ Echip a̱ pi pehlichit ish pi kohchi tuk oh cho? pʋska yʋt iksho, micha oka yʋt iksho, micha pʋska okpulo ilʋppano pi̱ yuwalʋt tahʋshke, achitok.

Mahlu 25:24

Yohmi ma talent achʋfa ho̱ ishi tuk ash osh ʋla mʋt, Chitokaka ma! hatak palʋmmi chia chatuk; chishno ak osh ish hokchi keyu kia, ish ai ʋmo chatuk; mikmʋt chishno ak osh ish mʋshlichi tuk keyu kia, ish pehli chatuk oke, chithanali tuk:

ʋBanumpa Luk Ʋt Holissochi Tok 19:21

Nana ka chishno ak osh ish bohli tuk keyu kia, ish ishi; yohmikmʋt ish hokchi tuk keyu kia ish mo chatuk; hatak palʋmmi chia hatuk oka chi̱ sa nukshopa tuk oke, im achi tok.

Tutelonomi 9:28

Yʋmohmikma yakni apehlichit ish pi kohchi tok ʋt, Chihowah yʋt yakni im issa tok ʋt isht ona he keyu ha tuk osh, micha i̱ nukkilli ha tuk osh, yakni haiaka ai ʋbit tahla chi̱ hosh pehlichit kohcha tuk oke, achi yoba na.