Tutelonomi 1:26 - Chahta Holisso Holitopa 1886

²⁶ Yohmi hak inli kia hʋsh ia he keyu tok; amba hʋchin Chitokaka Chihowah im anumpa ha̱ hʋsh kobʋffi tok.

Tutelonomi 1:26 Iomraidhean Croise

Numbas 14:9

Peh, Chihowah ya̱ i̱ yoshobʋt hʋchik i̱ filʋmmo kashke, micha okla yakni ai asha ka̱ hʋchik i̱ nukshopo kashke; yʋmmʋt pi̱ pʋska yoka; yʋmma ai atukko yʋt i̱ kʋnia hoke, mikma Chihowah yʋt piba foyuka hoke; hʋchik i̱ nukshopo kashke, im achi tok.

Apostel isht Anumpa 7:51

Ikunla kʋllo, micha chu̱kʋsh mikmʋt haksobish aiena wishakchi ik tapo hʋchia hʋt, Shilombish Holitopa ya̱ i̱ sʋnalit hʋsh bilia. Hʋchin tikba ʋhleha hʋt yohmi tok a̱, hʋsh chiyuhmishke.

Tutelonomi 1:25

Micha yakni nana awaya ai ishit ibbak a̱ ishit pim ʋla mʋt, anonti anumpa isht pim ʋlʋt, Yakni achukma pin Chitokaka Chihowah yʋt pimʋshke, achi tok.

Tutelonomi 1:43

Yohmi ho̱ hʋchim anumpule li tok; yohmi ma hʋsh haponakla he keyu tok; amba Chihowah im anumpa ha̱ i̱ filʋmmit hʋsh i̱ sanali cha, ilapunlʋt nʋnih foka hʋshla tok.

Tutelonomi 9:23

Micha Chihowah yʋt Katesh banea ya̱ ʋttʋt hʋchi pelʋt, oh ia cha, yakni hʋchima li tok a̱; oh binili, achi tok; yohmi ma, chin Chitokaka Chihowah im anumpa ha̱ i̱ filʋmmit hʋsh i̱ sanali tok; micha hʋsh i̱ yimma he keyukmʋt, im anumpa ha̱ hʋsh i̱ haponakla he keyu tok.