Tutelonomi 1:24 - Chahta Holisso Holitopa 1886

²⁴ Mihma fullotʋt nʋnih ha̱ ia tok; atuk osh okfa Eshkol a̱ ona cha, ahopo̱koyot tahli tok.

Tutelonomi 1:24 Iomraidhean Croise

Numbas 13:20

Micha yakni ʋt kaniohmi hokmá, nia hokmá, keyukmʋt, chunna hokmá, iti ʋt a̱sha hokmá keyukmá, nana hʋsh pisashke; Micha hʋchi nakni achukma cha yakni ya̱ nana a waya ka̱ isht hʋshlashke, im achi tok. Yohmi ka̱ nitak yʋmmak okʋt pa̱ki waya ʋmmona nitak atuk atok.

Numbas 32:9

Eshkol okfa ha̱ ona cha yakni ya̱ pisa mʋt, Islael im ʋlla ʋhleha chu̱kʋsh a̱ illechi na, yakni Chihowah ima tok a̱ ik chukowo tok.

Tutelonomi 1:23

Mihma nana hʋsh achi ka̱ ʋm ʋlhpesa tok; mihmʋt hatak hʋsh auahtuklo, apehlichi achʋfakma achʋfʋt ia ho̱ ishe li tok.

Tutelonomi 1:25

Micha yakni nana awaya ai ishit ibbak a̱ ishit pim ʋla mʋt, anonti anumpa isht pim ʋlʋt, Yakni achukma pin Chitokaka Chihowah yʋt pimʋshke, achi tok.