Tutelonomi 1:21 - Chahta Holisso Holitopa 1886

²¹ Yakeh, Chin Chitokaka Chihowah yʋt yakni yash chi tikba talalishke: hʋchi̱ke ʋhleha in Chitokaka Chihowah yʋt chim achi tuk mak o̱, iʋt ishi: chi nukshopa na, micha chi chu̱kʋsh ʋt ik ello kashke, chim achi li tok.

Tutelonomi 1:21 Iomraidhean Croise

Atʋloa 46:1

Chitokaka yak osh il ai ʋtukko, micha pi̱ hulihta kʋllo yoke; ai ilbʋssha putta ka̱ ʋpelʋchi yosh oktʋnih fehna hoke.

Atʋloa 46:11

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Atʋloa 46:7

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Numbas 13:30

Mihma Kaleb ʋt okla hʋt Moses itikba aiasha ka̱ nuktalali cha, Yakosi iti takla iʋt iloh ishashke, il imaiya he ʋlhpesa fehna hokʋt, achi ok.

ʋBanumpa Luk Ʋt Holissochi Tok 12:32

Apehlichika ya̱ hʋch ima kʋt im achukma hoka, chukfʋlhpoba a̱ya ik lauwo hʋchia mʋt, ik hʋchi nukshopo kashke.

Tutelonomi 1:20

Mihma Amolait okla i̱ nʋnih, yʋmmak oka pin Chitokaka Chihowah yʋt pima tuk mak o̱ hʋshlʋshke, hʋchim achi li tok.

Tutelonomi 20:1

Tanampit kohchʋt ish ia tuk osh, issuba puta, micha tʋnʋp iti chunaha puta, micha okla laua kʋt chi̱ shahli ho̱, ish pisakmʋt chik i̱ nukshopo kashke: chin Chitokaka Chihowah (yʋmmak) osh Echip yakni ya̱ apehlichit chi kohchi tok ʋt chiba foyuka hoka.

Tutelonomi 20:3

Micha Islael ma, hʋsh haklashke; himak nitak a̱ hʋchin tʋnʋp a̱ hʋsh itiba chi̱ hosh bili̱ka hʋsh onashke: hʋchi chu̱kʋsh ʋt ik ello kashke; hʋchi nukshopa na, micha hʋchi wʋnihinchi na, micha yʋmma pulla kak o̱ ik hʋchi nukhlakancho kashke.

Tutelonomi 31:6

Hʋchi kʋllashke, micha hʋsh aiyimitashke, hʋsh i̱ nukshopa na; chin Chitokaka Chihowah yʋmmak osh chi auwant ia hoka, ik chim ai a̱hlo ka he keyu, micha chi kancha he keyu hoke, achi tok.

Tutelonomi 7:18

Ish i̱ nukshopa he keyu hoke; amba chin Chitokaka Chihowah yʋt Falaoh, micha Echip moma ka̱ i̱ kaniohmichi tok a̱ ish ithaiyana fehna chi̱ hoke;

Tutelonomi 7:21

Ish i̱ nukshopa he keyu: chin Chitokaka Chihowah yʋt Chitokaka kʋllo, micha palʋmmi hosh hʋchi takla ahanta hoka.

Tutelonomi 9:23

Micha Chihowah yʋt Katesh banea ya̱ ʋttʋt hʋchi pelʋt, oh ia cha, yakni hʋchima li tok a̱; oh binili, achi tok; yohmi ma, chin Chitokaka Chihowah im anumpa ha̱ i̱ filʋmmit hʋsh i̱ sanali tok; micha hʋsh i̱ yimma he keyukmʋt, im anumpa ha̱ hʋsh i̱ haponakla he keyu tok.

Heblu 13:6

Yʋmohmi hoka Chitokaka yak osh na si apela yoke, micha hatak ʋt nana ho̱ sa kanimihcha hinla hokʋno i̱ sa nʋkshopa he keyu, pi nukwa̱ya iksho hosh il acha he bano hoke.

Choshua 1:6

Kʋllot chim anukfila cha, nukwia ikshot ish amosholashke: yakni ilʋppa ima la hi ʋt i̱ki ʋhleha ha̱ anumpa kʋllo isht il onochit im ihi̱ssa li tok a̱, okla ilʋppa immi hachi̱ mak o̱ ish it akʋshkola chi̱ hokʋt.

Choshua 1:9

Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.