Tutelonomi 1:18 - Chahta Holisso Holitopa 1886

¹⁸ Micha nitak yʋmma nana moma hʋsh yʋmohma chi̱ ka̱ hʋchim apesa li tok.

Tutelonomi 1:18 Iomraidhean Croise

Eksotʋs 18:20

Micha nana akaniohma he nanʋlhpisa, micha hina ataya he micha natoksʋli ya̱ yʋmihcha he aiena kak o̱ ish im abʋchashke.

Eksotʋs 18:22

Mikma nitak moma okla ha̱ nan im apesashke, atukma yakohmashke, nana chito moma ka̱ isht chim ʋlashke: nana iskitini moma ka̱ ilapinli hosh apesashke: yohmi ho̱ chishno ʋt ik chi̱ kʋllokma, na weki ka̱ okla chiba shaiyalashke.

Mahlu 28:20

Nan oklu̱ha ka nana ho̱ hʋchim apesa li tuk a̱ holitobla he mak o̱ hʋsh im abahanchashke: yohmikma yakeh! ʋno ʋt hʋchi awant a̱ya li̱ bilia ho̱, yakni ʋt ont ai ʋhla hi oke, achi tok oke. Amen.

Apostel isht Anumpa 20:20

Micha hʋchishno nan isht hʋchim ai ʋlhpesa puta ka hʋchim a luhmi li tok keyu; amba hʋchim anolit ai itʋnaha, micha chuka puta, a hʋchim abahanchi li tok.

Apostel isht Anumpa 20:27

Ʋno ʋt Chihowa im anukfila puyuta ka hʋchim anoli ka, sa nukwa̱ya iksho chatuk okʋt.

Tutelonomi 12:28

Yohmi ahnit ish anukfilli cha, anumpa ilʋppa moma chi̱ miha li ka̱ ish haklashke; yʋmohmi hosh chishno, micha chim ʋlla chi akaiya aiena kʋt chin Chitokaka Chihowah itikba ya̱ achukma ho̱ micha ai ʋlhpiesa ho̱ ish yʋmihchikmʋt achukma hosh ish ma̱ha̱ya na biliashke.

Tutelonomi 12:32

Nana ho̱ hʋchim ahanchi li tukma, ithaiyanʋt ish yʋmihchashke: ish iba fohka he keyu, micha ish ola taklʋcha he keyu hoke, achi tok.

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

Tutelonomi 4:5

Yakeh, yakni yʋmma hʋsh ia kʋt, hʋsh binilikmʋt, hʋsh yʋmihcha chi̱ ho̱, an Chitokaka Chihowah yʋt ʋm apesa tuk mak o̱, chohmit, nan ʋlhpisa, micha aiʋlhpiesa yʋmihchi puta ka̱ hʋchim abʋchi li tuk oke.