Tutelonomi 1:17 - Chahta Holisso Holitopa 1886

¹⁷ Nan apesa kʋt, hatak yohmi hoka, ish ahna he keyu hoke: amba chipunta kak kia hochito ka̱ iti lauechit hʋsh i̱ haponaklashke; hatak nashuka ya̱ hʋchik i̱ nukshopo kashke; nan im apesa yʋt Chitokaka immi hoka; atuk osh nana kʋt hʋchi̱ kʋllo fehnakmʋt, isht hʋs sʋm ala na, ʋno ak osh haponaklo lashke, im achi li tok.

Tutelonomi 1:17 Iomraidhean Croise

Genesis 18:25

Aiʋlhpiesa ya̱ hatak haksi aieninchit ʋbi, yʋmma chohmi ka̱ chi ahalaia he keyu hoke; micha aiʋlhpiesa ʋt hatak haksi ya̱ itilaua he, yʋmmak okʋt chi ahalaia he keyushke: yakni moma Nan im apesa yʋt aiʋlhpiesa kak o̱ yʋmihcha he keyu cho? achi tok.

2 Samuel 14:14

Pilli pulla chi̱ hoka, micha oka yosh aka hlatapa na falʋmminchit aiowa he keyu kak inli ho̱ e chohmi hoke; micha Chitokaka ʋt hatak a̱ yohmi hoka ahni keyu hoke: yohmi kia i̱ kʋnia ya̱ ik chʋfficho ka chi̱ ka nana apesa hoke.

Atʋloa 82:2

Hupakih kʋtiohmih fohka ho̱ nan ik ʋlhpeso ho̱ hʋsh ʋpesakmʋt, hʋttak haksi ʋhleha ha̱ hulittobli kʋt inla hʋsh i̱ shʋlihcha chi̱h choh? [Yukopa.

Eksotʋs 18:18

Chishno, micha okla ilʋppa chi apeha aiena kʋt hoyʋblit hʋchi taha chi̱ hoke; nana ilʋppʋt chi̱ weki fehna hoka, chishno ak bano kʋt ish atahla he keyu hoke.

Eksotʋs 18:22

Mikma nitak moma okla ha̱ nan im apesashke, atukma yakohmashke, nana chito moma ka̱ isht chim ʋlashke: nana iskitini moma ka̱ ilapinli hosh apesashke: yohmi ho̱ chishno ʋt ik chi̱ kʋllokma, na weki ka̱ okla chiba shaiyalashke.

Eksotʋs 18:26

Mihma nitak moma ho̱ okla nan im apesa tok; nana kʋllo kʋno Moses a̱ isht im ona cha, amba nana iskitini ka̱ilapak inli hosh apesa tok.

Lefitikʋs 19:15

Nanapesa ka̱ ai ʋlhpesa keyu ya̱ ish yʋmihcha he keyu; hatak ilbʋsha nipi ya̱ ish holitobla he keyu; micha hatak holitopa annoa ya̱ ish holitobla he keyu hoke: amba aiʋlhpiesa ho̱ chin chuka bili̱ka hatak a̱ ish im apesa hi oke.

Mahlu 22:16

Mihmʋt ilap nan im ai ithʋna ʋhleha ha̱, Helotian iksa ai itapeha ho̱ pit in tihleli mʋt, Nan ithʋnanchi ma! chishno ʋt aia̱hli chia achukma chatuk; mikmʋt Chihowa i̱ hina aia̱hli mak o̱ ish ithʋnanchi chatuk, hatak nana kia nan isht ik chim ahobo chatuk; mikmʋt hatak ʋt chim it i̱ shashohli keyu chatuk a̱ il ithaiyanʋshke.

Mark i̱ Holisso 12:14

Atuk o̱ yʋmmak ash ot ai ʋla mʋt, Nan‐ithʋnanchi ma! chishno yokʋt aia̱hli chia, mikmʋt hatak nana kia nan isht ik chim ahobo; hatak nashuka yak o̱ ish pisa ho̱ keyu hatuk okʋt; amba Chihowa nana aiahni ak o̱ aia̱hlit ish ithʋnanchi chatuk a̱ il ithaiyanʋshke. Noshkobo isht chumpa tʋli holisso ya̱ Sesa yak o̱ ima he ai ʋlhpesa hokmá, keyukmá, nanta cho?

ʋBanumpa Luk Ʋt Holissochi Tok 20:21

Mihmʋt yʋmmak ash ot okla i̱ ponaklot, Nan ithʋnanchi ma! nana kʋt ai‐ʋlhpiesa ho̱ ish miha, mikmʋt ish ithʋnanchi, yohmi kʋt hatak mʋt a chim it i̱ shahsholi keyu, amba Chihowa i̱ hina ai a̱hli mak o̱ ish ithʋnanchi chatuk a̱ il ithaiyanʋshke.

Loman 2:11

Yohmi ka Chihowa hokʋto hatak puta ka it i̱ shahshohlichi kʋt ik im iksho hoke.

Efeshan 6:9

Mikma i̱ nahullo hʋchia hʋt i̱ nokowʋt anumpuli iksho hosh, yʋmmak inli ho̱ hʋsh i̱ yʋmmihinchashke: hatak iti̱ shahshohlechit anukfilli keyu hosh, ʋba yakni hʋchim i̱ Shahli yʋt binili ka hʋsh ithaiyanashke.

Tutelonomi 10:17

Hʋchin Chitokaka Chihowah yʋt na holbʋt toba puta in Chitokaka, micha Chihowah in Chihowah, Chitokaka holitopa, kʋllo, micha palʋmmi yosh yʋmmʋt hatak yohmi hoka, ahni keyu, na hʋlbina ishi keyu hoke.

Tutelonomi 16:19

Aiʋlhpiesa ʋlhpisa ka̱ ish shanaiyacha he keyu: hahatak yohmi hoka, ish ahna he keyu, micha nahʋlbina ish isha he keyu; na hʋlbina hʋt hopoyuksa nishkin a̱ lʋplichi hoke; micha aiʋlhpiesa im anumpa ha̱ shanaiyʋchi hoke.

Tutelonomi 24:17

Okla inla micha ʋlla ʋlhtakla i̱ki iksho aiena ka̱ ai ʋlhpiesa i̱ yʋmihchi ka̱ ish shanaiyʋcha he keyu; micha ohoyo ʋlhtakla i̱ nafohka ya̱ isht atonichi ish im isha he keyu hoke.

Tutelonomi 25:1

Hatak ʋt anumpa itachowa nan apesa ʋhleha hʋt nan im apesa chi̱ ho̱, nan ai ʋlhpisa ya̱ ʋlakma, aiʋlhpiesa yano i̱ kashofi cha, yoshuba tuk a̱ anumpa onucha hi oke.

Koloshan 3:25

Amba kʋna hosh nan ik ʋlhpeso yohmikmʋt, nan ik ʋlhpeso yohmi tuk ak osh isht im ʋlhpisa hi oke: iti̱ shahsholichit kʋna kia im anukfilli kʋt iksho hoka.

1 Hlessalonian 2:4

Amba Chihowa ak osh ʋlhpesa ahnit ʋbanumpa ha̱ pibbak fohki tok oka, yʋmohmit il anumpuli hoke: hatak ak o̱ e yukpali keyu, amba Chihowa pi chu̱kʋsh a̱ pi̱sa yak oke.

Chemis 2:9

Amba hatak puta ka iti̱ shahsholechi hosh hʋsh ahninchi hok mʋto, hʋsh ashʋchi; yohmikmʋt nan ʋlhpisa kobʋffi mak o̱ nan ʋlhpisa yash ot isht a hʋchi atokowa hoke.

1 Pita 1:17

Yohmi ka I̱ki ak o̱ hʋsh im asithha hokmʋt, yʋmmak okʋt hatak it i̱ shahshohlechi iksho hosh hatak puta kʋt ilap a kaniohmi tuk ak o̱ isht im apesa yoka, ilʋppa hʋsh ai ahanta ta̱kla kʋt hʋsh holitoblashke:

1 Samuel 16:7

Yohmi kia Chihowa ʋt Samuel a̱, Nashuka, micha chahaka atokolit ish pisa ná; ak aiokpacho tuk oka: Chihowa ʋt nana pisa kʋt hatak na pisa ka chohmi keyu hokʋt; hatak ʋto nashuka ya̱ pisa hoke, amba Chihowa ʋto chu̱kʋsh oka atokolit pisa hoke, im achi tok.

1 Samuel 2:25

Hatak achʋfa hosh inla ya̱ nan im ashʋchi hokma, nan apesa yosh nan im apesa hi oke; amba hatak ʋt Chihowa ak o̱ i̱ yoshuba hokmʋno, kʋta hosh isht anumpula hinla cho? im achi tok. Yohmi kia i̱ki im anumpa ha̱ haponakla he keyu tok, Chihowa ʋt ʋba chi̱ kʋt ai ahni tuk oka.