Tutelonomi 1:15 - Chahta Holisso Holitopa 1886

¹⁵ Yohmi ho̱ hʋchim apehlichi puta ka̱ i̱ shahli ʋhleha hatak hopoyuksa, ithana ʋhleha ha̱ ishi lish, hʋchi̱ noshkoboka puta ikbit tahlepa sipokni puta i̱ kʋpotʋni, micha tahlepa puta i̱ kʋpotʋni, micha pokoli tahlapi puta i̱ kʋpotʋni, micha pokoli puta i̱ kʋpotʋni hʋchim ikbi li tok: micha hʋchim apehlichi puta ai itin takla ya̱ nan ʋlhtoka puta ka̱ ikbi li tok oke.

Tutelonomi 1:15 Iomraidhean Croise

Eksotʋs 18:21

Micha okla moma ka̱ akohchʋt hatak kʋllo, Chitokaka i̱ nukwi̱ya, hatak a̱hli, nan anushkunna ya̱ shitilema ak o̱ ish ahayuchashke; micha yohmi kak o̱, tahlepa sipokni pehlichi, tahlepa pehlichi, pokoli tahlapi pehlichi, micha pokoli pehlichi ish i̱ hiohlechashke.

Eksotʋs 24:1

Micha Moses a̱, Chishno micha Alon, Natab, micha Abihu, micha Islael im asʋnonchi pokoli untuklo aienʋt Chihowah ya̱ oiyʋt hʋsh im ʋlashke: micha hopaki ho̱ hielit hʋsh aiokpʋchashke.

Numbas 1:4

Mikma apehlichi aiyukali ka̱ hatak achʋfa i̱ki ʋhleha in chuka achʋfa i̱ noshkoboka aiyukali ʋt hʋch ibafo̱ka hi oke.

Numbas 31:14

Mihma Moses ʋt tʋshka chipota i̱ pehlichi ʋhleha ha̱ micha tahlepa sipokni puta i̱ kʋpitʋni ʋhleha, micha tahlepa puta i̱ kʋpitʋni ʋhleha aiena kʋt tʋnʋp a̱yʋt ʋla tuk a̱ i̱ nuklibishla tok.

Efeshan 4:11

Micha kanimi kʋt apostel; micha kanimi kʋt hopaii; micha kanimi kʋt ʋbanumpa tosholi; micha kanimi kʋt iksa apesʋchi; micha kanimi kʋt nan ithʋnanchi aiena ya chi̱ ima tok:

Tutelonomi 1:14

Mikma hʋchishno ak osh afalaminchit, Nana ish anumpuli ka̱ e yʋmihchikmʋt pim achukma hinlʋshke, hʋs sʋm achi tok.

Tutelonomi 1:16

Micha nitak yʋmma hʋchi̱ nan apesa ʋhleha ha̱ atokolit i̱ mihʋt, Hʋchitibapishi ʋhleha itin takla nan iti̱ kaniohmi ya̱ hʋsh im ahaponaklashke; micha hatak puta, micha itibapishi nan iti̱ kaniohmi, micha okla inla takla a̱sha tuk aiena ka̱ ai ʋlhpiesa ho̱ hʋsh im apesashke.

Tutelonomi 16:18

Chim apehlichi puta hlopulli, chi̱ holihta okhissa chin Chitokaka Chihowah yʋt chima tok a̱ nan apesa ʋhleha, micha nan ʋlhtoka ʋhleha aiena ka̱ ish ikbashke; mikma okla ha̱ nan ʋlhpisa aiʋlhpiesa ho̱ im api̱hi̱sa hi oke,

1 Samuel 17:18

Micha pishukchi palʋska pokoli ilʋppa in tahlepa sipokni i̱ kʋpitʋni ya̱ isht ish im ona cha, chitibapishi hʋt kaniohmi hosh ma̱yakma ish pisa cha, heh ahni isht akostininchi ish im isha chike, im achi tok.

1 Samuel 22:7

Yʋmohmi ma Sal ʋt in tishu ʋhleha hʋt afolublit hieli tuk a̱, Himak ano hʋsh haiyaklashke, Benchamait ʋhleha ha̱ hʋchia ma! Chesse ushi ʋt hʋsh moma ka osapa, micha pa̱kʋpi ahollokchi puta ka hʋch ima cha, tahlepa sipokni i̱ kʋpitʋni, micha tahlepa i̱ kʋpitʋni hʋch ikba hinla ho̱?

1 Samuel 8:12

Micha tahlepa sipokni i̱ kʋpitʋni, micha pokoli tahlapi i̱ kʋpitʋni il atokola hi oke; mikmʋt yakni in lapushkichit onush i̱ bʋshlit, micha tʋnʋp isht itibi, micha tʋnʋp itichanʋlli isht halʋlli aiena ka ikba hi o̱ apesa hi oke.