Tutelonomi 1:1 - Chahta Holisso Holitopa 1886

¹ Anumpa ilʋppa puta kak o̱ Moses ʋt Islael moma ka̱ Chatan ola in tʋnʋp, yakni patali, yakni haiaka okhʋta humma ichapaka ya̱, Palan micha Tofel, micha Laban, micha Haselolh, micha Tisahab iti takla ya̱ ai im anumpo̱honli tok.

Tutelonomi 1:1 Iomraidhean Croise

Genesis 21:21

Micha Palan yakni haiaka ak o̱ ʋtta tok: mihma ishki ʋt Echip yakni ak o̱ ohoyo ha̱ ai ishit ima tok.

1 Mi̱ko 11:18

Micha Mitian a̱ a kohchʋt okla wakayʋt Palan a̱ ona tok: mihmʋt Palan a̱ hatak kanohmi ai ishi cha ia mʋt, Echip onʋt, Feleo Echip i̱ mi̱ko ya̱ im ona tok: yʋmmʋt chuka ya̱ ima mʋt, ilhpak a̱ im atahli cha, yakni ya̱ ima tok.

Numbas 10:12

Yohmi ma Islael im ʋlla ʋhleha hʋt Sinai yakni haiaka isht ia tok; atuk o̱ Pelan yakni haiaka yak o̱ hoshonti hʋt ont talaia tok.

Numbas 11:35

Mihma okla hʋt Kiblolh hattaafah ya̱ ashʋt ia hosh Haselolh a̱ ona tok: micha Haselolh ak o̱ aiasha tok.

Numbas 12:16

Atuk osh i̱ himak ak o̱, okla hʋt Haselolh asha tuk ʋt kanʋllit Palan yakni haiaka ak o̱ abinanchi tok.

Numbas 13:26

Micha iʋt Moses micha Alon micha Islael im ʋlla ʋhleha okla moma kʋt Palan yakni haiaka Katesh ak o̱ a̱sha tuk o̱ im ona tok; micha anumpa falama isht im ona cha, yakni yash nana a waya ka̱ okla moma ka̱ i̱ haiakʋchi tok.

Numbas 13:3

Mihma Moses ʋt Chihowah ak osh anumpuli ho̱ yakni haiaka Palan a̱ a tihleli tok; hatak yʋmma puta kʋt Islael im ʋlla ʋhleha ha̱ i̱ noshkoboka bieka tok.

Numbas 32:19

Chatan tʋnnʋp yʋmma, micha tikba pilla hokʋno yakni ya̱ il ibai isha he keyu; pi̱ yakni ʋt Chatan ola tʋnnʋp hʋshi akohcha ka̱ pilla kak o̱ pin talaia hokʋt, im achi tok.

Numbas 32:32

Na halupa pim ʋlhtaha hosh hlopullit Chihowah itikba a̱yʋt Kenaan yakni ya̱ e chukowa chi̱ hoke; yohmi hosh yakni il isha chi̱ kʋt Chatan ola in tʋnnʋp ak osh pimmi ha chi̱ hoke, achi tok.

Numbas 32:5

Okla achi mʋt, yʋmohmi hoka chim isht i̱ kana ya̱, e chi ai ahaiyuchi tuk ma, yakni ilʋppak o̱ chin tishu ʋhleha i̱ yakni ya chi̱ ho̱ ibbak fohkashke, micha Chatan a̱ chik pi hlopullecho kashke, im achi tok.

Numbas 33:20

Atuk osh Limmon‐pales a̱ asht ia mʋt, Libnah ya̱ binachi tok.

Numbas 33:21

Atuk osh Libnah ya̱ asht ia mʋt, Lissah ya̱ binachi tok.

Numbas 34:15

Apehlichi tuklo, micha apehlichi iklʋnna kʋt i̱ yakni ya̱ Chatan ola in tʋnnʋp hʋshi akochaka pilla, Cheliko bili̱ka hʋshi akochaka ak o̱ ai ishi tuk oke, im achi tok.

Numbas 35:14

Chatan ola in tʋnnʋp a̱ tʋmaha holihta tuchina ho̱ hʋsh imashke, micha Kenaan yakni ya̱ tʋmaha holihta tuchina ho̱ hʋsh imashke, yʋmmʋt ahlakofi tʋmaha holihta yashke.

Tutelonomi 2:8

Atuk osh il itibapishi ʋhleha Esau im ʋlla ʋhleha, yʋmmʋt Sei ya̱ a̱sha ka̱ issʋt ant il iʋt, Elalh micha Esion‐kaba ʋttʋt aiia, yakni patali hlopulli ya̱ il ona mʋt, e fullota cha, Moab yakni haiaka hina ya̱ ont il ia tok.

Tutelonomi 27:1

Micha Moses ʋt Islael im asʋnonchi ʋhleha aienʋt okla ha̱ im anumpulit, Anumpa moma himak nitak a̱ hʋchim anumpohonli li ka̱ hʋsh ieshashke.

Tutelonomi 29:1

Ilʋppa puta kak osh nan itim apesa anumpa ho̱ Holeb a̱ nan ai itim apesa tok ʋt a̱sha na, Chihowah yʋt Moses a̱ tohno na, Islael im ʋlla ʋhleha ha̱ Moab yakni ya̱ ai itim apesa tok mak oke.

Tutelonomi 31:1

Mihma Moses ʋt anumpa ilʋppa puta kak o̱ Islael moma ka̱ ont im anumpuli tok.

Tutelonomi 33:2

Micha Chihowah yʋt Sinai a minti tok, micha Sei yak o̱ i̱ wakaya tok, Palan nʋnih hak o̱ atohwikelit et a kohcha tok: micha saint ʋhleha tahlepa sipokni pokoli ho̱ pehlichit ʋla tok: ibbak isht impakimma ya̱ nan ʋlhpisa libbi ʋt ʋttʋt ia tok.

Tutelonomi 4:46

Moses micha Islael im ʋlla ʋhleha aiena kʋt Echip yakni ya̱ kohcha ha yʋt issot kanchi tok, Amolait i̱ mi̱ko Sihon, yʋmmʋt Heshbon a̱ aiʋtta tok, i̱ yakni Belh‐peo ichapaka bachaya okfa Chatan ola in tʋnnʋp ak a tok:

Tutelonomi 5:1

Mihma Moses ʋt Islael moma ka̱ hoyo cha, Islael ma, nan ʋlhpisa bilia puta, micha aiʋlhpiesa yʋmi̱hinchi puta hʋsh ha̱klo ho̱, himak nitak a̱ anumpo̱honli li ka̱ hʋsh haklashke; yʋmohmi hosh hʋsh ithana cha, ieshit hʋsh yʋmi̱hinchashke.

Choshua 22:4

Atuk o̱ himak a̱ Chitokaka hʋchin Chihowa ʋt hʋchi itibapishi ʋhleha ha̱ im achi tok mak osh fohʋchishke: yʋmohmi hoka himak a falamʋt hʋchim ʋlbina aiyukali yakni hʋsh ishi tok Chatan mish‐tʋnnʋp Moses Chihowa in tishu hʋt hʋch ima tok a̱ hʋsh onashke.

Choshua 22:7

Atuk o̱ Manasseh ai unchololi iklʋna ka Bashan ak o̱ Moses ʋt yakni ai ima tok: amba iklʋna achʋfa kʋno Choshua ʋt Chatan ola in tʋnnʋp hʋshi ai okatula imma itibapishi takla yak o̱ ai ima tok. Micha yʋmmak kia Choshua ʋt im ʋlbina aiyukali pilla mʋt, yukpalit ai okpʋchi tok;

Choshua 3:16

Oka ibetʋp imma minti hatuk ʋt yokopa cha, itʋnahachit falamʋt hopakichit, Alam tʋmaha holihta Saletan bili̱ka talaia ka ona tok: yohmikma yakni patali okhʋta hʋpi okhʋta imma ia hatuk ʋt tahʋt hokofa na okla hʋt Cheliko ichapaka fehna hak o̱ a hlopulli tok.

Choshua 9:1

Atuk o̱ yakohmi tok, mi̱ko ʋhleha Chatan ola in tʋnnʋp, nʋnih foka, micha okfa foka, micha okhʋta chito ʋhli moma Lebanon i chapaka, Hitait okla, micha Amolait okla, Kenanait okla, Pelissait okla, Hifait okla, micha Chebusait okla aiena aiasha kʋt haklo mʋt;

Choshua 9:10

Micha Chatan mish‐tʋnnʋp Amolait okla i̱ mi̱ko tuklo, Heshbon i̱ mi̱ko Sihon, micha Bashan i̱ mi̱ko Ok Ashtalolh ʋtta aiena ka kaniohmichi tuk puta ka e haklo hatuk osh.

1 Samuel 25:1

Atuk o̱ Samuel ʋt illi tok: mihma Islaelait moma kʋt iti hoyot itʋnaha cha, ishit yaiyʋt, in chuka Lamah ya̱ hohpi tok. Mihma Lewi ʋt wakaya mʋt, iʋt Palan yakni haiaka ya̱ ona tok.