Mahlu 2:3 - Chahta Holisso Holitopa 1886

³ Mi̱ko Helot ʋt ilʋppa puta ka haklo mʋt, Chelusalem okla moma aiena kʋt komunta tok.

Mahlu 2:3 Iomraidhean Croise

2 Mi̱ko 6:11

Yʋmohmi hatuk o̱ Silia i̱ mi̱ko ʋt nana ilʋppa pulla kak o̱ chu̱kʋsh ik im achukmo fehna tok: mihmʋt in tishu ʋhleha ha̱ pit hoyo cha, E katima kak osh Islael i̱ mi̱ko ya̱ iba fohka ka hʋs sʋm anola he keyu cho? im achi tok.

Mahlu 2:2

Chu okla i̱ mi̱ko ʋtta tuk mʋto katimak o̱ ituyula cho? i̱ fochik a̱ hʋshi akochaka imma ya̱ il a pihi̱sa tuk osh aiokpʋchit il itʋnowa hatuk oke, achi tok.

Mahlu 2:4

Micha na holitompa isht a̱sha pehlichi puta, micha okla nan i̱ holissochi ʋhleha moma ka itahobit taiyahli mʋt, kanima yo̱ Klaist ʋt ai ʋtta hinla hatuk a̱ im a ponaklo tok.

Mahlu 23:37

Chelusalem, Chelusalem, hopaii ʋhleha ʋbi, micha auet chi̱ kanchi tuk ma tʋli ishit boli chia ma! aka̱ka yosh ushi ʋhleha ha̱ sinahchi nuta ya̱ pit ai itahobi chatuk mak o̱, chiyuhmit chim ʋlla ʋhleha ha̱ itahombi la he ahni li tuk nana kia, hʋchishno ak osh ʋlhpesa hʋch ik aiahno hokʋno.

Mahlu 24:6

Yohmikma tʋnʋp a̱sha, micha tʋnʋp a̱sha he annoa aiena ka hʋsh hakla hi oke: ahah! hʋsh aiahni cha ik hʋchi komunto kashke: ilʋppa puta kʋt moyumʋt ont a yʋmohmi pulla hi oka: yohmi kia ont ai ishtaiyopi kʋno keyu ki̱sha hi oke.

Mahlu 8:29

Mihmʋt tahpʋlʋt okla mʋt, Chisʋs, Chihowa Ushi chia hʋt nanta ho̱ isht ish pi ahalaia cho? ik ai ono ki̱sha ho̱, ish pilbʋshacha chi̱ hosh ilʋppa ish la hoh cho? achit okla tok.

Mark i̱ Holisso 13:7

Yohmikma tʋnʋp a̱sha, micha tʋnʋp a̱sha he annoa puta aiena ka hʋsh haklokmʋt, ik hʋchi komunto kashke: ilʋppa puta kʋt moyumʋt ont a yʋmohmi pulla hi oke; yohmi kia ont ai‐ʋhli kʋto ik ai ono ki̱sha hoke.