Luth 4:5 - Chahta Holisso Holitopa 1886

⁵ Mihma Boas ʋt, Nitak kaniohmi ho̱ osapa yash Naomi ish in chumpakmʋt, Moab ohoyo Lulh illi tok tekchi ak kia ish in chumpa cha, illi tok hohchifo ha̱ im ikbit i̱ yakni ya̱ ish ai o̱ hilechi pullashke, achi tok.

Luth 4:5 Iomraidhean Croise

Genesis 38:8

Atuk o̱ Chutah ʋt Onan a̱, Chitibapishi tekchi ya̱ iba chukowʋt ish itauwaya cha, chitibapishi ha̱ aiunchololi a̱ ish i̱ hilechashke, im achi tok.

Mahlu 22:24

Nan ithʋnanchi ma! Hatak ʋt ʋlla yʋt ik im iksho hosh illi hokma, nakfish ʋt tekchi atuk a̱ itauwaya cha, itibapishi hatuk a̱ ʋlla isht im ai ikbashke, Moses ʋt achi tok.

ʋBanumpa Luk Ʋt Holissochi Tok 20:28

Nan‐ithʋnanchi ma! hatak nana kia itibapishi hʋt illi kʋt tekchi ʋt a̱sha hosh, ʋlla yʋt iksho ho̱ illi hokma, itibapishi hatuk ak osh tekchi atuk a̱ ilaueli cha, itibapishi hatuk a̱ ʋlla isht im ai ikba hi oka, Moses ʋt holissochit pi̱ bohli tok.

Tutelonomi 25:7

Atuk o̱ hatak ash osh itibapishi tekchi yash ishi ikbʋnnokma, yohmikma itibapishi tekchi ʋt holihta okhissa ya̱ onʋt im asʋnonchi ʋhleha ha̱ im ona cha, A̱ hatak itibapishi hʋt itibapishi hohchifo ha̱ ikbit Islael a̱ ai i̱ hilechi ik bʋnnoshke; a̱ hatak itibapishi nana akaniohma he ʋlhpesa ka̱ yʋmihchi ik bʋnnoshke, achashke.