Luth 4:2 - Chahta Holisso Holitopa 1886

² Yohmi ma tʋmaha holihta yash hatak im asʋnonchi pokoli ho̱ hoyo cha, Ilʋppa ho binohlí, achi ma, okla binohli tok.

Luth 4:2 Iomraidhean Croise

1 Mi̱ko 21:8

Yohmi mʋt holissochi cha, Ahab hohchifo ha̱ takalichi mʋt, im isht inchu̱wa isht in chonli cha, asʋnonchi ʋhleha, micha holitompa ʋhleha aiena Nabolh in tʋmaha holihta ta̱kla a̱sha tuk a̱, pit i̱ pila tok.

Eksotʋs 21:8

I̱ shahli ilapoʋchi tuk ʋt ik ahninchokmʋt falʋmmichit ik chumpá, ahna hi oke: oklushi inla i̱ kanchi hokʋto a yʋmohma he keyu ka hi oke, ik im a̱hlo hosh yʋmihchi tuk okʋt.

Apostel isht Anumpa 6:12

Micha okla puta, mikmʋt i̱ hochitoka ʋhleha micha holissochi ʋhleha aiena kash okla ilhkolihinchi na, okla i̱ kohcha cha yʋmmak ash ishi mʋt, nan apesa ʋhleha ha̱ isht im ona tok.

Tutelonomi 25:7

Atuk o̱ hatak ash osh itibapishi tekchi yash ishi ikbʋnnokma, yohmikma itibapishi tekchi ʋt holihta okhissa ya̱ onʋt im asʋnonchi ʋhleha ha̱ im ona cha, A̱ hatak itibapishi hʋt itibapishi hohchifo ha̱ ikbit Islael a̱ ai i̱ hilechi ik bʋnnoshke; a̱ hatak itibapishi nana akaniohma he ʋlhpesa ka̱ yʋmihchi ik bʋnnoshke, achashke.

Tutelonomi 29:10

Himak nitak a̱ hʋsh moma kʋt hʋchin Chitokaka Chihowah itikba ya̱ hʋsh hielishke, hʋchim apehlichi puta i̱ kʋpotʋni ʋhleha, hʋchim asʋnonchi ʋhleha, micha na hʋchim ʋlhtoka ʋhleha Islael hatak ʋhleha moma aiena,

Tutelonomi 31:28

Hʋchim apehlichi puta im asʋnonchi, micha hʋchi̱ nan ʋlhtoka puta ka̱ hʋs sʋm itʋnahli na, anumpa ilʋppa puta ka̱ haksobish a̱ haklochi lashke; micha ʋba, micha yakni ʋt i̱ sanalit holisso takalicha chi̱ ka̱ hoyo lashke.