Luth 4:15 - Chahta Holisso Holitopa 1886

¹⁵ Micha falaminchit okchalinchi chin chiyuhma chi̱ hoke, micha chi sipoknit taiyaha ka chi shoyuli ya chi̱ hoke: heh chi ahni kʋt ushi untuklo chim i̱ shahli chipok ʋt chim eshi tuk okʋt, im achi tok.

Luth 4:15 Iomraidhean Croise

Genesis 45:11

Mikma yʋmmak o̱ a hʋchi ipeta la chi̱ hoke, (hohchʋfo hʋt afʋmmi tahlapi kʋt a̱sha moma hoka;) yohmi ho̱ chishno, micha chin chuka achʋfa, micha nana chim a̱sha moma kʋt hohchʋfot chi taha yoba ná, achishke, hʋsh im achashke;

Genesis 47:12

Micha Chosef ʋt i̱ki ya̱, micha itibapishi ʋhleha ha̱, micha i̱ki in chuka achʋfa moma ka̱ chuka achʋfa ʋlhpi̱sa ho̱ pʋska ipeta tok.

Atʋloa 55:22

Nan isht a chi̱ weki ya̱ Chihowa hak o̱ ish onucchashke; mikma̱ yʋmmʋt chi hʋllʋlla hi oke; ai ʋlhpiesa ya̱, ik kʋnʋllí, im ahna he keyu hoke.

Luth 4:16

Mihma Naomi ʋt ʋlla yash ishi cha, ikkishi ha̱ onochi cha, ʋlla ya̱ shoyulit hofantichi tok.

1 Samuel 1:8

Mihma i̱ hatak Elkanah ʋt, Hannah ma! nanta katiohmi ho̱ ish yaiya cha, ish impa he keyu cho? micha nanta katiohmi ho̱ chi chu̱kʋsh ʋt nukha̱klo cho? ushi pokoli kak kia chim i̱ shahli li keyu cho? im achi tok.

1 Samuel 2:5

Kaiya tuk ʋt pʋska ya̱ asitʋba chi̱ hosh inla im ile tohnoshke; mikma hohchʋfo tuk ʋt ik yohmoshke: yʋmohmi ho̱ ʋlla ik im iksho ʋt untuklo ho̱ eshi ma, ʋlla in laua tuk ʋt hliposhit isht iʋshke.