Luth 4:13 - Chahta Holisso Holitopa 1886

¹³ Yʋmohmi ma Boas ʋt Lulh a̱ ishi na tekchi tok: atuk osh iba chukowa ma, Chihowa yʋt ʋlhpesa ahni na ʋlla shali tuk osh, ʋlla nakni yo̱ eshi tok.

Luth 4:13 Iomraidhean Croise

Genesis 20:17

Yʋmohmi ma Eblaham ʋt Chitokaka ya̱ im ilbʋshʋt isht anumpuli tok: mihma Chitokaka yʋt Abimelek, micha tekchi, micha in tishu ohoyo moma ka̱ hlakofichi tok: mihma ʋlla okla eshi tok.

Genesis 25:21

Atuk osh tekchi ʋt ʋlla ik im iksho yatuk o̱, tekchi ya̱ isht anumpulit Chihowah ya̱ im asi̱hi̱hla tok: mihma Chihowah yʋt ʋlhpesa im ahni na, tekchi Lebekah ʋt chakali tok.

Genesis 29:31

Atuk o̱ Leah ano ik ahnincho ho̱ Chihowah yʋt pisa mʋt, im oshʋtto ya̱ i̱ wakʋmmichechi tok: amba Lechel ʋto ʋlla ik im iksho atok.

Genesis 30:2

Mihma Chekob ʋt Lechel a̱ i̱ sanalit isht im ai i̱ nukkilli ʋt libbit, Chitokaka ʋlhtobʋt hikia li cho? yʋmmak osh chim oshʋtto atoba ka chi̱ katʋbli tuk oke, achi tok.

Genesis 33:5

Atuk osh akachakali cha, ohoyo, micha ʋlla ʋhleha aiena ka̱ pisa mʋt, Yʋmmʋt kʋta hosh chi api̱ha cho? achi tok. Mihma, Chin tishu ha̱ Chitokaka yʋt i̱ nukha̱klot ima tuk ʋlla ʋhleha hoke, achi tok.

Atʋloa 113:9

Ohoyoh ʋlla ik im iksho yosh chukka a̱ha̱tta tuk a̱, ʋlla ʋhlehah ishki na̱ yokpa ikbit binnilechi yoke. Chihowa ha̱ hu holittoblichíh.

Atʋloa 127:3

Yakeh, ʋlla ʋhleha hʋt nan immi Chihowa a minti yoke; ushʋto a minti yak osh nan isht ʋlhtoba yoke.

Luth 3:11

Yʋmohmi ka inta! sʋsotek ma! chi nukshopa ná; nana is sʋm ahni tuk a̱ moma chi̱ yʋmihchi lashke: ohoyo kostini chia ka ʋm okla moma tʋmaha holihta ai asha kʋt ithana hoka.

Luth 4:12

Micha chin chuka yʋt chim ishtatiaka Chihowa yʋt ohoyo himita ilʋppa ai isht chima chi̱ kʋt Tama yʋt Chutah ya̱ im eshi tok Fales in chuka yak o̱ chohmashke, okla achi tok.

1 Samuel 1:27

Ʋlla ilʋppak o̱ asilhha li tok oke: atuk o̱ Chihowa ʋt nan asilhha im asilhha li tok a̱ ʋma tok oke.

1 Samuel 2:5

Kaiya tuk ʋt pʋska ya̱ asitʋba chi̱ hosh inla im ile tohnoshke; mikma hohchʋfo tuk ʋt ik yohmoshke: yʋmohmi ho̱ ʋlla ik im iksho ʋt untuklo ho̱ eshi ma, ʋlla in laua tuk ʋt hliposhit isht iʋshke.