Luth 3:9 - Chahta Holisso Holitopa 1886

⁹ Mihma, Kʋta chia hoh cho? achi ma, afalamichit, Chin tishu ohoyo Lulh sia hoke: yʋmohmi hoka chin tishu ohoyo ha̱ ish anchi ʋhli ka et si onochí; a̱ kanomi fehna chia hokʋt.

Luth 3:9 Iomraidhean Croise

ʋBanumpa Luk Ʋt Holissochi Tok 14:11

Kʋna hosh ilefehnʋchi hokʋto aka ona he; anonti kʋna hosh ik ile fehnacho hokʋto holitopa hi oke.

Luth 2:20

Mihma Naomi ʋt ipok a̱, Hatak yʋmmʋt okcha̱ya, micha illi tok aiena kash i̱ kana kʋt Chihowa im aholitopashke, im achi tok. Micha Naomi ʋt, Hatak yʋmmʋt pi̱ kanomi fehna, pi̱ kanomi i̱ shahli moma hoke, im achi tok.

Luth 3:10

Mihma Chihowa i̱ holitopa chia hashke, sʋsotek ma! hatak himita ilbʋsha yokmá, nana in laua yokmá nana kia chik iakaiyo hosh, ʋmmona tuk ak kia i̱ shahlichit ishtaiyopi ka is sa̱ kana hokʋt.

Luth 3:12

Yohmi ka chi̱ kanomi fehna sia kʋt a̱hli: yohmi kia chi̱ kanomi a̱ shahli kʋt anta hoke.

Luth 3:8

Atuk o̱ yakohmi tok, ninak iklʋnna ma hatak ash osh nukshopa cha, filema tok: mihma yakeh! ohoyo hʋt iyi ya̱ itoyula tok.

Luth 4:4

Yʋmohmi ho̱ atokolit chim anolit, okla itikba, micha ʋm okla im asʋnonchi ʋhleha itikba a chumpá, achi la he ahni li tuk oke. Falaminchit chumpa lashke, ish ahnikmʋt, falaminchit ish chumpashke; amba falaminchit ish chumpa he keyukmʋt ʋm anolí, yohmi na haklo lashke: falaminchit chumpa inla kʋt iksho, chishno ak illa hoka; mikma ʋno ak osh chiakaiya li hoke, im achi tok. Mihma falaminchit chumpa lashke, achi tok.

Luth 4:6

Mihma i̱ kanomi yash osh yakni ieshi li ʋlhpesa kash okpʋni la hinla hatuk osh, ʋno yak inli hokʋto falaminchit chumpa la he keyu; ʋmmi ʋlhpesa tuk a̱ chishno yak osh falaminchit chumpʋt ish ishashke; falaminchit chumpa la he keyu hoka, achi tok.

1 Samuel 25:41

Mihma wakaya mʋt, nashuka ya̱ aka pit isht akachunoli cha, Yakeh! chin tishu ohoyo hʋt peh tishu hosh a̱ shahli in tishu ʋhleha ha̱ iyi ya̱ achifa yashke, achi tok.