Luth 3:2 - Chahta Holisso Holitopa 1886

² Yohmi ka himak a̱ Boas yʋmma ohoyo himita ʋhleha im aiasha kak o̱ takla ish a̱ya tuk ʋt pi̱ kanomi keyu̱? yakeh! himak ninak a̱ a nihechi ya̱ bali mʋslichit isht anta hoke.

Luth 3:2 Iomraidhean Croise

Genesis 50:10

Atuk osh Atat onush anihechi, yʋmmʋt Chatan misha talaia ka̱ ona tok; micha yʋmma a yaiya kʋt yaiya ilbʋsha chinto fehna hatok; micha i̱ki ya̱ nitak untuklo ho̱ ishit yaiya tok.

Luth 2:1

Mihma Naomi ʋt i̱ hatak i̱ kanomi yosh hatak holitompa i̱m il a̱ yak chito fehna Elimelech in chuka achʋfa yosh anta tok; micha hohchifo kʋt Boas atok.

Luth 2:8

Yʋmohmi ma Boas ʋt Lulh a̱, Chik haklo̱? sʋsotek ma! osapa inla ya̱ ʋlbʋllit chik aiyo, micha ilʋppa issʋt chik aiyo hosh amba ohoyo himita ʋhleha ilʋppa ʋm a̱sha ka apotoʋt ish ahantashke:

Luth 3:1

Mihma ipokni Naomi ʋt, Sʋsotek ma! nana chim ai achukma hi a̱ afoha chi̱ hoyo la he keyu cho?

Luth 3:3

Yʋmohmi hoka yupit pa̱shi ahama il ai ahʋmmit nafohka ish fohka cha, a nihechi ya̱ ish onashke; yohmi kia hatak ʋt impʋt ishkot ik isso ki̱sha ka ish im ile haiakʋchi ná.