Luth 3:10 - Chahta Holisso Holitopa 1886

¹⁰ Mihma Chihowa i̱ holitopa chia hashke, sʋsotek ma! hatak himita ilbʋsha yokmá, nana in laua yokmá nana kia chik iakaiyo hosh, ʋmmona tuk ak kia i̱ shahlichit ishtaiyopi ka is sa̱ kana hokʋt.

Luth 3:10 Iomraidhean Croise

Genesis 24:31

Atuk osh, Ant chukowá, Chihowah i̱ holitopa chia ma! nanta katiohmi ho̱ kocha ish hikia cho? aboha ya̱ atahli li, micha kamel a̱ aiasha im atahli li hoka, achi tok.

Luth 1:8

Mihma Naomi ʋt ipok tuklo kash, Oh ia cha, falamʋt hʋch ishki bi̱ka in chuka ya̱ hʋsh onashke: illi chash, micha ʋno aiena ka hʋs sa̱ kana tuk a̱ chiyuhmit Chihowa yʋt hʋchi̱ kanashke.

Luth 2:11

Mihma Boas ʋt afalamichit, Chi̱ hatak ʋt illi tok ititakla haya̱ chipokni ya̱ ish kaniohmihinchi tuk a̱, moma kʋt atokowʋt ʋm annoa tuk oke: yohmi kʋt chi̱ki, micha chishki, micha yakni ish ai ʋtta yatok a̱ issʋt okla cha̱shpo ish ithana chatuk keyu kʋt ant ish ibafohkʋshke.

Luth 2:20

Mihma Naomi ʋt ipok a̱, Hatak yʋmmʋt okcha̱ya, micha illi tok aiena kash i̱ kana kʋt Chihowa im aholitopashke, im achi tok. Micha Naomi ʋt, Hatak yʋmmʋt pi̱ kanomi fehna, pi̱ kanomi i̱ shahli moma hoke, im achi tok.

Luth 2:4

Yohmi ma yakeh! Boas ʋt Belh‐lehem a̱ minti hosh ʋla cha, onush bʋshli ʋhleha ha̱, Chihowa yʋt hʋch ibafoyukashke, im achi ma, afalamichit, Chihowa yʋt chi yukpalashke, okla im achi tok.

Luth 3:9

Mihma, Kʋta chia hoh cho? achi ma, afalamichit, Chin tishu ohoyo Lulh sia hoke: yʋmohmi hoka chin tishu ohoyo ha̱ ish anchi ʋhli ka et si onochí; a̱ kanomi fehna chia hokʋt.

1 Samuel 15:13

Mihma Samuel ʋt Sal a̱ im ona tok; mihma Sal ʋt, Chihowa i̱ holitopa chia ma! Chihowa i̱ nan ʋlhpisa ya̱ yʋmihchi lishke, im achi tok.