Luth 2:8 - Chahta Holisso Holitopa 1886

⁸ Yʋmohmi ma Boas ʋt Lulh a̱, Chik haklo̱? sʋsotek ma! osapa inla ya̱ ʋlbʋllit chik aiyo, micha ilʋppa issʋt chik aiyo hosh amba ohoyo himita ʋhleha ilʋppa ʋm a̱sha ka apotoʋt ish ahantashke:

Luth 2:8 Iomraidhean Croise

2 Mi̱ko 5:13

Mihma in tishu ʋhleha hʋt bili̱ka onʋt im anumpulit, A̱ki ma! hopaii ʋt nana afehna ho̱ ish yʋmihcha chi̱, chi̱ miha hatukma, ish yʋmihcha he tuk keyu cho? yohmi ka, Yupi cha, ik chi kashofá, chim achi hokak heno? okla achi tok.

Lefitikʋs 19:9

Micha hʋchi̱ yakni nana awaya hʋshmokmʋt, hʋchim osapa chukbi puta ka̱ ʋmohmichit hʋshma he keyu hoke; micha hʋsh ai ʋmo yʋt ʋlbʋllit hʋsh ai ʋma he keyu hoke.

Mahlu 9:2

Mihma hatak ʋt palsi isht abeka hosh potʋlhpo pakna itonla ho̱ okla isht im ʋla tok; mihma Chisʋs ʋt okla na yimmi ka pisa mʋt, palsi isht abeka ash o̱, Sʋso ma! chi yukpashke; na chim ai‐ashʋchika puta kʋt chi̱ kashofa hoke, im achi tok.

Mahlu 9:22

Yohmi kia Chisʋs ʋt filemʋt yʋmmak ash o̱ pisa mʋt, Sʋso‐tek ma! na chi yukpa achukmashke; na chi yimmi pulla hosh chi hlakofichi hoke, achi tok. Mihma hʋshi kanʋlli ʋlhpisa yʋmma fehna ho̱ ohoyo yʋmmak ash osh hlakofi tok.

Filippian 4:8

Ishtaiyopi ka itibapishi li ʋhleha ma! nana hosh a̱hlikma, nana hosh holitopakma, nana hosh ai ʋlhpiesakma, nana hosh kashofakma, nana hosh aioklikma, nana hosh annoa achukmakma, nan ai ʋlhpesa inla yʋt a̱shakma, anonti aiokpancha he ʋlhpesa kʋt a̱shakma, ilʋppa puta kash hʋsh anukfihinlashke.

Luth 2:7

Yohmi hosh, Onush bʋshli ʋhleha ha̱ iakaiyʋt onush talakchi ai asha ka ak ʋlbʋllí, achi tuk; atuk osh ʋla cha, ahanta na onnahinli yatuk ʋt himakʋshke, peh ik hopako ho̱ chuka ya̱ ont a̱shʋt foha tuk oke, achi tok.

Luth 2:9

A bʋshli ka osapa ya̱ chi nishkin a̱ onochit ish pisa cha, ish iakaiyashke: hatak himita ʋhleha ha̱ chi potola he keyu ka i̱ miha li tuk keyu cho? micha chitukshilakmʋt, oka ai ʋlhto puta ka ishit hatak himita ʋhleha oka ochi tuk a̱ ont ish ai ishkashke, im achi tok.

1 Samuel 3:16

Yohmi ma Eli ʋt Samuel a̱ i̱ howa cha, Samuel, sʋso ma! achi tok. Mihma afalamichit, Yak hikia lishke, achi tok.

1 Samuel 3:6

Mihma himakma anonti Chihowa ʋt i̱ howʋt, Samuel ma! achi tok. Mihma Samuel ʋt wakayʋt, Eli ya̱ im ona cha, Yak hikia lishke, is sa̱ howa tuk oka, achi tok. Mihma afalamichi mʋt, Chi̱ howa li tuk keyu, sʋso ma! anonti tʋshkí, achi tok.