Luth 2:6 - Chahta Holisso Holitopa 1886

⁶ Mihma tishu onush bʋshli ʋhleha pehlichi yash osh afalamichit, Moab ohoyo himita, Naomi ʋt Moab yakni kohchʋt falamʋt ʋla ma, ta̱kla ʋla tok mak oke.

Luth 2:6 Iomraidhean Croise

Genesis 15:2

Mihma Eblam ʋt, Nanta ho̱ is sʋma chi̱ cho? Chihowah Chitokaka ma, ʋlla ik im iksho yosh a̱ya li hoka, mikma an chuka achʋfa apesʋchi ʋt Tamaskʋs hatak Eliese ilʋppak oke, achi tok.

Genesis 24:2

Atuk o̱ Eblaham ʋt in chuka achʋfa tishu sipokni i̱ shahli, yʋmmʋt nana im a̱sha tuk moma ka̱ pehlichi yo̱, Chibbak a̱ saiyubi nuta ya̱ isht ish potolashke, chim asilhha lishke:

Genesis 39:4

Mihma Chosef ʋt itikba ya̱ holhponayo hanta ya̱ ai ahayuchi cha, in toksʋli tok; mihma in chuka achʋfa ya̱ apesʋchi ikbi mʋt, nana im a̱sha tuk ʋt moma ibbak fohki tok.

Mahlu 20:8

Yʋmohmi tuk o̱ ont opiʋt taha ma, pa̱kʋpi aholokchi in talaia atuk ash osh nan im apesʋchi asho̱, Na pilesa ʋhleha ha̱ i̱ howa cha, ʋlhtoba ha̱ imá: ishtaiyopi tuk ak o̱ ai ishtia hosh ti̱kba tuk a̱ ont ish tahlashke, im achi tok.

Mahlu 24:45

Yohmi ka kʋta hak osh tishu aia̱hli, hopoyuksa achukma aiena tuk o̱, i̱ shahli hʋt ilap in chuka chʋfa ya̱ apesʋchit ont ai ʋlhpiesakma ilhpak ipihinta chi̱ ka, atokoli tok oh cho?

Luth 1:16

Mihma Lulh ʋt, Chissa la he, micha chiakaiya li kʋt falama la he a̱ chik sʋm asihi̱hlo kashke: kanima ish a̱yakma, a̱ya la chi̱; kanima ish ai ʋttakma, ahanta la chi̱; chim okla hak osh ʋm okla cha, chin Chitokaka ak osh an Chitokaka ha chi̱ hoke.

Luth 1:19

Yʋmohmi ma itatuklot itiachi tuk osh Belh‐lehem a̱ ona tok. Atuk o̱ yakohmi tok, Belh‐lehem a̱ itonachi ma, tʋmaha moma kʋt a kʋnʋllit, Ilʋppʋt Naomi o̱? okla achi tok.

Luth 1:22

Yʋmohmit Naomi, micha ipok Lulh Moab ohoyo ita tuklot falamʋt Moab yakni ya̱ a kohchʋt ona tok: micha bali ya̱ bʋshlit isht ia ho̱ Belh‐lehem a̱ it onachi tok.

Luth 2:5

Yʋmohmi ma Boas ʋt in tishu onush bʋshli ʋhleha pehlichi ya̱, Ilʋppʋt kʋta ushetik o̱? im achi tok.

Luth 2:7

Yohmi hosh, Onush bʋshli ʋhleha ha̱ iakaiyʋt onush talakchi ai asha ka ak ʋlbʋllí, achi tuk; atuk osh ʋla cha, ahanta na onnahinli yatuk ʋt himakʋshke, peh ik hopako ho̱ chuka ya̱ ont a̱shʋt foha tuk oke, achi tok.