Luth 2:4 - Chahta Holisso Holitopa 1886

⁴ Yohmi ma yakeh! Boas ʋt Belh‐lehem a̱ minti hosh ʋla cha, onush bʋshli ʋhleha ha̱, Chihowa yʋt hʋch ibafoyukashke, im achi ma, afalamichit, Chihowa yʋt chi yukpalashke, okla im achi tok.

Luth 2:4 Iomraidhean Croise

Genesis 18:19

Yʋmmak ash osh im ʋlla ʋhleha ha̱, micha in chuka achʋfa et iakaiya ka̱ im api̱hi̱sakma, Chihowah i̱ hina ya̱ holitoblit aiʋlhpiesa ai atokowa kak o̱ yʋmihcha hi ya̱ ithana lishke; yʋmohmi ho̱ Chihowah yʋt Eblaham a̱ isht anumpuli tuk ʋt im aia̱hlicha hi oke, achi tok.

Genesis 28:3

Mikma Chitokaka Nan isht im aia̱hli ataha iksho hʋt chi yukpalashke; micha chi wayʋchit chi apaknʋchashke, yʋmohmi ho̱ okla laua chia hashke;

Atʋloa 118:26

Chihowa hohchifo ho̱ ilai eshi hosh a̱yʋt ʋla kʋt na̱ yokpashke. Chihowa im ʋboha aiyashʋt e hʋchi ayokpʋchishke.

Atʋloa 134:3

Ʋba micha yakni ittʋtuklo ikbi tok Chihowa hʋt Saion a̱ binnilit hʋchi yokpalashke.

Numbas 6:24

Chihowah yʋt hʋchi yʋkpalashke, micha hʋchi halanlashke.

ʋBanumpa Luk Ʋt Holissochi Tok 1:28

Yʋmohmi na enchil ash ot im aboha ha̱ ant chukowa mʋt, Holitopa fehna chia hʋt na chi yʋkpashke; Chihowa hʋt chi halʋlli hoke, holitopa kʋt ohoyo puta moma ka ish imaiyʋshke, achi tok.

2 Hlessalonian 3:16

Chitokaka it i̱ nanaiyʋchi ilap ak osh ik kaniohmi kia isht it i̱ nanaiya ya̱ hʋch ima na biliashke. Chitokaka yʋt hʋsh moma ka hʋch ibafoyukashke.

1 Timohli 6:2

Mikma i̱ na hullo ʋbanumpuli yosh a̱sha hokʋt itibapishi hokʋt, isht ik i̱ ahno ka he ʋlhpesa keyushke; amba i̱ na‐hullo yʋt na‐yimmi, micha Chihowa i̱ holitopa, micha nana isht ai yukpa ʋba minti ka it ibai ishi yoka, aiokpanchit nana ka isht im ahantashke. Ilʋppa puta kak o̱ im abʋchit ish atonohonchashke.

2 Timohli 4:22

Chitokaka Chisʋs Klaist ʋt chimi shilombish a̱ ibafoyukashke. Isht i̱ kana yʋt chi anukfoyukashke. Amen.

Choshua 24:15

Micha Chihowa im antia ka ik achukmo hʋsh ahnikmʋt, kʋna ho̱ hʋsh im antia chi̱k mʋt himak nitak a̱ hʋsh atokolashke, na holbʋt toba puta okhina mish tʋnnʋp aiasha na hʋch i̱ki ʋhleha hʋt aiokpʋchi tok ak okmá, keyukmʋt Amolait okla i̱ yakni ya̱ hʋsh aiasha kʋt i̱ na holbʋt toba puta yak okmá nanakmʋt, amba ʋno, micha an chuka achʋfa ʋto Chihowa ak o̱ il im antia chi̱ hoke, im achi tok.

Nan Apesa 6:12

Mihma Chihowa im enchel ash osh i̱ haiaka cha, Chihowa yʋt chib afoyukʋshke, hatak hlampko, hatak chilita nukwia iksho chia ma! im achi tok.

Nan Apesa 6:16

Mihma Chihowa yʋt, Chibafoyuka li pulla chi̱ hoke; mikma Mitianait ʋhleha ha̱ hatak achʋfa chiyuhmichit issot ish kancha chi̱ hoke, im achi tok.

Luth 2:3

Mihma ia tuk osh ona cha, onush bʋshli ʋhleha ha̱ iakaiyʋt osapa ya̱ ai ʋlbʋlli tok: micha Boas Elimelech i̱ kanomi im osapa kashapa yoba ho̱ ona tok.

Luth 2:5

Yʋmohmi ma Boas ʋt in tishu onush bʋshli ʋhleha pehlichi ya̱, Ilʋppʋt kʋta ushetik o̱? im achi tok.

Luth 4:11

Mihma okla moma holihta okhissa hieli tuk, micha asʋnonchi aiena kʋt, Pi̱sa pia hoke. Ohoyo chin chuka chukowa ka Chihowa yʋt Lechel, micha Leah, tuklo yʋmmak osh Islael chuka achʋfa ya̱ ikbi tok oka yʋmmak o̱ chohmichashke: mikma Eflatah ya̱ ish a holitopashke, micha Belh‐lehem a̱ chi hohchifo kʋt ai annoho̱washke:

1 Samuel 17:37

Micha Lewi ʋt achakalinchi mʋt, Chihowa, yʋmmak osh koi chito ibbak, micha nita ibbak a̱ a sa hlakofichi tuk ʋt Filistin ilʋppa ibbak ak kia a sa hlakoficha chi̱ hoke, achi tok. Mihma Sal ʋt Lewi ya̱, Iá, mikma Chihowa ʋt chiba foyukashke, im achi tok.