Luth 2:2 - Chahta Holisso Holitopa 1886

² Mihma Lulh Moab ohoyo hash osh Naomi ya̱, Himak a̱ osapa ak ia chá, kʋna ho̱ i̱ holhponayo hanta ai ahayuchi likmʋt, onush noshkoba ya̱ ʋlbʋllit iakaiya lashke, im achi ma, Iá, sʋsotek ma! im achi tok.

Luth 2:2 Iomraidhean Croise

Genesis 32:6

Atuk o̱ anumpa shali ash osh falamʋt, Chekob a̱ im ʋla mʋt, Ish itibapishi Esau ya̱ il im ona tuk oke; mihma chi afamʋt minti akinlishke, mihma hatak tahlepa ushta hosh api̱ha hoke, achi tok.

Lefitikʋs 19:10

Pa̱kʋpi hʋchim ahollokchi a̱ hʋsh ʋlbʋlla he keyu; micha pa̱kʋpi hʋchim ahollokchi yash pa̱ki ya̱ mominchit hʋsh ai ʋma he keyu hoke; ilbʋsha micha okla inla aiena ka̱ hʋsh im ashacha hi oke; Chitokaka hʋchin Chihowah sia hoke.

Lefitikʋs 19:16

Chim okla itin takla ya̱ nan anoli yosh chuka abaiyʋt ish a̱ya he keyu; micha chin chuka bili̱ka hatak im issish a̱ i̱ sanalit ish hikia he keyu hoke: Chitokaka sia hoke.

Lefitikʋs 19:9

Micha hʋchi̱ yakni nana awaya hʋshmokmʋt, hʋchim osapa chukbi puta ka̱ ʋmohmichit hʋshma he keyu hoke; micha hʋsh ai ʋmo yʋt ʋlbʋllit hʋsh ai ʋma he keyu hoke.

Lefitikʋs 23:22

Atuk osh hʋchi̱ yakni nan awaya ya̱ hʋsh ai ʋmokmʋt hʋsh bʋshlikmʋt hʋchim osapa chukbi puta ka̱ kashofit hʋsh isha he keyu, micha na hʋchi̱ waya ʋlbʋllit hʋsh aiowa he keyu hoke; hatak ilbʋsha micha okla inla aiena kak o̱ hʋsh im ashancha hi oke: hʋchin Chitokaka Chihowah sia hoke, ish im achashke achi tok.

Luth 2:3

Mihma ia tuk osh ona cha, onush bʋshli ʋhleha ha̱ iakaiyʋt osapa ya̱ ai ʋlbʋlli tok: micha Boas Elimelech i̱ kanomi im osapa kashapa yoba ho̱ ona tok.

Luth 2:7

Yohmi hosh, Onush bʋshli ʋhleha ha̱ iakaiyʋt onush talakchi ai asha ka ak ʋlbʋllí, achi tuk; atuk osh ʋla cha, ahanta na onnahinli yatuk ʋt himakʋshke, peh ik hopako ho̱ chuka ya̱ ont a̱shʋt foha tuk oke, achi tok.

1 Samuel 1:18

Mihma, Chin tishu ohoyo hʋt chi tikba ya̱ isht i̱ kana ya̱ ai ahayuchashke, achi tok. Yʋmohmi mʋt ohoyo hash osh ia cha, impa mʋt, himmakma nashuka ik il apisso tok.