Luth 2:13 - Chahta Holisso Holitopa 1886

¹³ Yʋmohmi ma A̱ shahli ma! chi̱ holhponayo hanta ak chi ai ahayuchí, ohoyo himita ʋhleha chim aiasha ka achʋfa ka chohmi li keyu kia, is sa hopohlʋli hoka, micha chin tishu ohoyo ha̱ i̱ kanʋt ish im anumpuli hoka, achi tok.

Luth 2:13 Iomraidhean Croise

Genesis 32:6

Atuk o̱ anumpa shali ash osh falamʋt, Chekob a̱ im ʋla mʋt, Ish itibapishi Esau ya̱ il im ona tuk oke; mihma chi afamʋt minti akinlishke, mihma hatak tahlepa ushta hosh api̱ha hoke, achi tok.

Genesis 33:10

Mihma Chekob ʋt, Aha̱, himak a̱ holhponayo hanta ya̱ chi tikba ai ahayuchi li hokma, a̱ nahʋlbina sʋbbak foyuka ka̱ ish ishashke, chim asilhha lishke: yʋmohma he ak o̱ chi nashuka ya̱ Chitokaka i̱ nashuka chohmi ho̱ pisa li ma, is sa hʋlhpa̱sha hoka.

Genesis 33:15

Mihma Esau ʋt, Yohmi ka̱ hatak kaniohmi ka̱ si api̱ha ka̱ ak chim ashachí, achi tok: mihma, Nanta katiohma chi̱ ho̱? A̱ shahli itikba ya̱ holhponayo hanta ya̱ ai ahayuchi lashke, achi tok.

Genesis 33:8

Mihma, Pehlichit isht a̱ya na afama li tuk moma ilʋppak osh nanta chi̱ katiohmi hoh cho? achi tok. Mihma, A̱ shahli itikba ya̱ holhponayo hanta ya̱ ai ahayuchi la chintuk mak oke, achi tok.

Genesis 34:3

Atuk osh Chekob ushetik Tinah ya̱ chu̱kʋsh ʋt asitia tok; micha ohoyo himita ya̱ anushkunna mʋt, ohoyo himita yash i̱ kanʋt im anumpuli tok.

Genesis 43:14

Mikma Chitokaka Nan isht im aia̱hli ataha iksho ʋt hatak ash itikba ya̱ a hʋchi̱ nukha̱klo na, hʋch itibapishi achʋfa, micha Benchamin a̱ et pilashke: ʋlla yʋt sa wehpoa hokmʋt, sa wehpoa hoke, im achi tok.

2 Samuel 16:4

Yohmi ma mi̱ko ʋt Siba ya̱, Yakeh! Mefiboshelh immi hatuk moma kʋt chimmi hoke, im achi tok. Mihma Siba ʋt, Chu̱kʋsh akanlosi hosh chi̱ holhponayo itikba isht ish i̱ kana chi ai ahayuchi likbano, ahnit chim asilhha lishke, a̱ shahli, mi̱ko ma! achi tok.

Filippian 2:3

Anumpa isht itachowa shahli, keyukmʋt ilefehnʋchi nanasi kʋt ik ʋlhtaho kashke; amba chu̱kʋsh akanlosi hosh moyuma kʋt inla yʋt achukma kʋt ilap a̱ i̱ shahli ho̱ anukfillashke.

Nan Apesa 19:3

Mihma i̱ hatak ash osh wakaya mʋt, i̱ kanʋt im anumpulit falʋmminchit isht ʋla chi̱ hosh in tishu, micha issuba haksobish falaia tuklo aiena ho̱ ishi cha, hoyot ia tok: mihma ohoyo hʋt ilauelit i̱ki in chuka isht ona tok: mihma ohoyo i̱ki yash osh pisa mʋt, itafama kʋt nayukpa fehna tok.

Luth 2:12

Nana ish a kaniohmi tuk a̱ Chihowa yʋt chim atobbashke, micha Islael in Chitokaka Chihowa, yʋmma sanahchi a nutakʋt ish a nukchieta chi̱ hosh ish la tuk a̱ ʋlhtoba ai ona achukma ho̱ chimashke, im achi tok.

Luth 2:14

Mihma Boas ʋt, Impa ai ona ish la cha, pinak a̱ ʋpʋt, chi̱ pʋska tushafa winaka ibai okʋchit ish pashke, im achi tok. Mihma onush bʋshli ʋhleha bili̱ka binili tok: mihma yʋmmak ash osh onush ʋlwʋsha pit ima na impʋt fihopa ma, a̱sha moma tok.

1 Samuel 1:18

Mihma, Chin tishu ohoyo hʋt chi tikba ya̱ isht i̱ kana ya̱ ai ahayuchashke, achi tok. Yʋmohmi mʋt ohoyo hash osh ia cha, impa mʋt, himmakma nashuka ik il apisso tok.

1 Samuel 25:41

Mihma wakaya mʋt, nashuka ya̱ aka pit isht akachunoli cha, Yakeh! chin tishu ohoyo hʋt peh tishu hosh a̱ shahli in tishu ʋhleha ha̱ iyi ya̱ achifa yashke, achi tok.