Luth 2:12 - Chahta Holisso Holitopa 1886

¹² Nana ish a kaniohmi tuk a̱ Chihowa yʋt chim atobbashke, micha Islael in Chitokaka Chihowa, yʋmma sanahchi a nutakʋt ish a nukchieta chi̱ hosh ish la tuk a̱ ʋlhtoba ai ona achukma ho̱ chimashke, im achi tok.

Luth 2:12 Iomraidhean Croise

Atʋloa 17:8

Nishkin nihi chomihchit is sʋ hʋllʋllashke; hʋttak haksi ʋhleha hʋt si okpʋninchi ya̱, a̱ tʋnʋp chilita ʋhleha hʋt a̱ sʋnalit si ʋpakfoiyupa ka̱, a kucchit chis sʋnahchi nuta yak o̱ is si a luhmashke.

Atʋloa 19:11

Chi̱ tishu hak kia isht i̱ tohwikeli hoke; yʋmma̱ hulittobli kʋt isht im ʋlhtobah chito yoke.

Atʋloa 36:7

Nan isht ish i̱ hullo ʋt hulittopah fehnʋshke, Chitokaka ma; yʋmohmi kak o̱ hʋttak putta kʋt chimis sʋnahchi nutaka yak o̱ ai ʋtukko hoke.

Atʋloa 57:1

Is sa̱ nukha̱klashke, Chitokaka ma, is sa̱ nukha̱klashke; ʋmish shilombish ʋt chishno ak o̱ chi ai ʋtukko hoka̱, micha chis sʋnahchi hushontika yak o̱ ai ʋtukko lih immoma tuk o̱, na̱ pʋllʋmmi putta kʋt ant a̱ya hayashke.

Atʋloa 58:11

Mikma̱ hʋttak ʋt, “Ai ʋlhpiesa yʋt na̱ waya im a̱sha kʋt a̱hlishke; yakni ya̱ nan ai ʋpehi̱sa yosh Chitokaka yʋt binnili kʋt a̱hlishke,” achashke.

Atʋloa 61:4

Chim ʋlhtipo ya̱ ai a̱ha̱tta li̱ billiashke; chis sʋnahchi hushontika ya̱ ai ʋtukko lashke. [Yukopa.

Atʋloa 63:7

Chishno ʋt is si ʋpela̱ha̱chi hatuk oka̱, chis sʋnahchi hushontika nuta ya̱ a yo̱ho̱kpa la chi̱ hoke.

Atʋloa 91:4

Ilap sʋnahchi ya̱ isht chi ompohoma chi̱ hoke, mikma̱ sʋnahchi ak o̱ ish ai atukko ya chi̱ hoke; im ʋnnumpah a̱hli ʋt telihpa, micha tʋnʋp a̱ya nan isht im ʋlhtaha yoke.

Mahlu 23:37

Chelusalem, Chelusalem, hopaii ʋhleha ʋbi, micha auet chi̱ kanchi tuk ma tʋli ishit boli chia ma! aka̱ka yosh ushi ʋhleha ha̱ sinahchi nuta ya̱ pit ai itahobi chatuk mak o̱, chiyuhmit chim ʋlla ʋhleha ha̱ itahombi la he ahni li tuk nana kia, hʋchishno ak osh ʋlhpesa hʋch ik aiahno hokʋno.

Mahlu 5:12

Nayukpʋt hʋchi yukpa fenashke: isht hʋchim ʋlhtoba hi ʋt chinto hosh ʋba ya̱ a̱sha hoka; hopaii ʋhleha hʋchin tikba aiasha ka yakohmichit ilbʋshachi tok mak oka.

Mahlu 6:1

Ahah! hʋsh aiahnit na hʋsh habenʋchi kʋt, hʋchi pi̱sa chi̱ ka, hatak puta itikba yo̱ hʋch ik a yʋmihcho kashke; yʋmmak keyukmʋt hʋch I̱ki ʋba binili ka im a hʋchim ʋlhtoba hi o̱ keyu hoke.

ʋBanumpa Luk Ʋt Holissochi Tok 6:35

Amba hʋchishno ʋto hʋchin tʋnʋp puta ka hʋsh i̱ hullo, mikmʋt nana achukma ho̱ hʋsh yʋmohmikmʋt; anonti nana kia isht ai ʋlhtoba hi a̱ ik aiahno hosh hʋsh i̱ potashke: yohmikma isht a hʋchim ʋlhtoba hokʋto chinta he; micha Nana moma imaiya im ʋlla hʋchia ha hi hoke. Yʋmmak okʋt ilap a̱ ik aiokpacho, micha nan ʋlhpesa keyu ʋhleha aiena ka i̱ kana achukma yoka.

Koloshan 2:18

Hatak nana kia ilap ahnit il akanlosechit, enchil ʋhleha ha̱ aiokpʋchit nana pisa chatuk keyu kʋt, afʋnalit haknip im anukfila isht ilefehnʋchi, yʋmohmit noshkoboka ya̱ halʋlli keyu kʋt, na hʋsh asitʋba he tuk a̱, ik hʋchim esho kashke.

2 Timohli 1:18

Chitokaka yokʋt ʋlhpesa im ai ahni na nitak yʋmmak oka Chitokaka yʋt i̱ nukha̱klo ka ahayuchi hok bano; micha Efesʋs a̱ ont anta li ma, nana la̱wa kaniohmi ka isht si apelahanchi tok a̱, chishno yokʋt ish ithana fehnʋshke.

2 Timohli 4:8

Yohmi hoka himak a pilla ma nan isht ai ʋlhpiesa iachukoli la he ʋmmit ituyula, yʋmma nan ai a̱hli apesa, Chitokaka yʋt nitak yʋmmak fehna ka ʋma hi oke: yohmi kʋt ʋno ak bano ho̱ ʋma he keyu, amba ilap ʋt ʋla ka i̱ hullo moyuma aiena ka ima hi oke.

Heblu 11:26

Yohmi kʋt Klaist a̱ i̱ yimmit isht a hofahya yak osh nan isht ilaiyukpa chinto kʋt Echip anu̱kaka nan im ila̱yak puta ai asha ka im i̱ shahli tok; nan isht ʋlhtoba nan isht ilaiyukpa yak o̱ hoho̱yo tok okʋt.

Heblu 11:6

Amba na yimmi iksho hokʋno kaniohmit yukpala himma keyu hoke; yohmi hoka kʋna hosh Chihowa im onakmʋt, yʋmmak osh ahanta, micha yʋmmak okʋt ilap o̱ achunanchit hoho̱yo puta hokʋno nan im atobbi aiena ka yimmi pullashke.

Heblu 6:10

Yohmi ka Chihowa hʋt ik ai ʋlhpeso hokmá, nanta tuk osh nan toksʋlit holitoblit ilap hohchifo imma ka nan isht hʋsh im ahanta tuk a̱ imi haksa he keyu, ʋbanumpuli ʋhleha ha̱ nan isht hʋsh im ahanta tuk osh, isht hʋsh ahanta kʋt imoma hoka.

Luth 1:16

Mihma Lulh ʋt, Chissa la he, micha chiakaiya li kʋt falama la he a̱ chik sʋm asihi̱hlo kashke: kanima ish a̱yakma, a̱ya la chi̱; kanima ish ai ʋttakma, ahanta la chi̱; chim okla hak osh ʋm okla cha, chin Chitokaka ak osh an Chitokaka ha chi̱ hoke.

Luth 2:11

Mihma Boas ʋt afalamichit, Chi̱ hatak ʋt illi tok ititakla haya̱ chipokni ya̱ ish kaniohmihinchi tuk a̱, moma kʋt atokowʋt ʋm annoa tuk oke: yohmi kʋt chi̱ki, micha chishki, micha yakni ish ai ʋtta yatok a̱ issʋt okla cha̱shpo ish ithana chatuk keyu kʋt ant ish ibafohkʋshke.

Luth 2:13

Yʋmohmi ma A̱ shahli ma! chi̱ holhponayo hanta ak chi ai ahayuchí, ohoyo himita ʋhleha chim aiasha ka achʋfa ka chohmi li keyu kia, is sa hopohlʋli hoka, micha chin tishu ohoyo ha̱ i̱ kanʋt ish im anumpuli hoka, achi tok.

Luth 4:15

Micha falaminchit okchalinchi chin chiyuhma chi̱ hoke, micha chi sipoknit taiyaha ka chi shoyuli ya chi̱ hoke: heh chi ahni kʋt ushi untuklo chim i̱ shahli chipok ʋt chim eshi tuk okʋt, im achi tok.

1 Samuel 24:19

Hatak ʋt in tʋnʋp a̱ ahayuchi kʋt, achukma̱kʋt ik iá, ahna hinla cho? yʋmohmi hoka Chihowa ʋt achukma ho̱ chi̱ falʋmminchashke, yʋmmak o̱ himak nitak a̱ is si yʋmihchi hoka.

1 Samuel 24:20

Micha yakeh! mi̱ko ish toba pulla chi̱, mikma Islael apehlichika yʋt chibbak a̱k o̱ kʋllot afoyuka chi̱ ka ithana li fehnʋshke.