Luth 2:11 - Chahta Holisso Holitopa 1886

¹¹ Mihma Boas ʋt afalamichit, Chi̱ hatak ʋt illi tok ititakla haya̱ chipokni ya̱ ish kaniohmihinchi tuk a̱, moma kʋt atokowʋt ʋm annoa tuk oke: yohmi kʋt chi̱ki, micha chishki, micha yakni ish ai ʋtta yatok a̱ issʋt okla cha̱shpo ish ithana chatuk keyu kʋt ant ish ibafohkʋshke.

Luth 2:11 Iomraidhean Croise

2 Samuel 21:11

Atuk o̱ Aiah ushetik Lispah Sal im itaiena yʋt nana yʋmihchi tuk a̱ Lewi ya̱ im anoli tok.

Atʋloa 45:10

I̱ hulittopa ohoyoh ma, ish haklo cha, ish pisashke; micha chi haksubish a̱ awet ish welashke; mikmʋt chim oklah, micha chi̱ki i̱ chukka aiena ka̱ chim ʋhaksashke.

ʋBanumpa Luk Ʋt Holissochi Tok 14:33

Yohmi ka yʋmmak o̱ chiyuhmit, hʋchishno ʋt hʋsh moma kʋt nana ho̱ hʋchim a̱sha tuk ʋt mominchit hʋsh issa keyukmʋt, nan ʋm ai ithʋna hʋchia ha he keyu hoke.

ʋBanumpa Luk Ʋt Holissochi Tok 5:11

Mihma i̱ peni ash ʋhli ha̱ okla ant itaiyali mʋt, nana moma kʋt a̱sha na issa cha, yʋmmak ash okla iakaiya tok.

ʋBanumpa Luk Ʋt Holissochi Tok 5:23

Na chim ai ashʋchika puta kʋt chi̱ kashofashke, achi kak okmá, keyukmʋt, Tani cha nowá: achi kak okmá, katimampo kak osh ahchiba kʋt ik lauwo cho?

Luth 1:11

Mihma Naomi ʋt, Sʋso tek ʋhleha ma! hʋsh falamashke; nanta katiohmi ho̱ si awant hʋsh ia hinla ho̱? himakma ushi ʋt ʋm oshʋto ya̱ ʋlhto tuk osh hʋchi̱ hatak toba hinla cho?

Luth 2:10

Yʋmohmi ma akachunolit aka hlipiʋt, Nanta katiohmi ho̱ chi̱ holhponayo hanta a chi ahayuchi li̱, ithanʋt is sa pisa cho? ohoyo ik ithano sia hoka, im achi tok.

Luth 2:12

Nana ish a kaniohmi tuk a̱ Chihowa yʋt chim atobbashke, micha Islael in Chitokaka Chihowa, yʋmma sanahchi a nutakʋt ish a nukchieta chi̱ hosh ish la tuk a̱ ʋlhtoba ai ona achukma ho̱ chimashke, im achi tok.

Luth 3:10

Mihma Chihowa i̱ holitopa chia hashke, sʋsotek ma! hatak himita ilbʋsha yokmá, nana in laua yokmá nana kia chik iakaiyo hosh, ʋmmona tuk ak kia i̱ shahlichit ishtaiyopi ka is sa̱ kana hokʋt.

Luth 4:15

Micha falaminchit okchalinchi chin chiyuhma chi̱ hoke, micha chi sipoknit taiyaha ka chi shoyuli ya chi̱ hoke: heh chi ahni kʋt ushi untuklo chim i̱ shahli chipok ʋt chim eshi tuk okʋt, im achi tok.