Luth 2:10 - Chahta Holisso Holitopa 1886

¹⁰ Yʋmohmi ma akachunolit aka hlipiʋt, Nanta katiohmi ho̱ chi̱ holhponayo hanta a chi ahayuchi li̱, ithanʋt is sa pisa cho? ohoyo ik ithano sia hoka, im achi tok.

Luth 2:10 Iomraidhean Croise

Genesis 18:2

Atuk osh akachakali cha, hopo̱koyo ma, yakeh, hatak tuchina kʋt bili̱ka hieli tok: atuk o̱ pisa mʋt, ʋlhtipo okhissa yash hikiʋt malelit ont afama cha, aka pit hlipia mʋt,

2 Samuel 19:28

A̱ki in chuka achʋfa moma kʋt a̱ shahli mi̱ko itikba ya̱ hatak illi ʋhleha chiyuhmi tuk oke: yohmi ak inli kia chin tishu ha̱ chim ai impa binilit ai impa ka takla is sa binilechi tuk oke. Yʋmohmi hoka katiohmi kak o̱ himak a̱ mi̱ko ya̱ im ilbʋsha la he ʋlhpesa hoh cho? im achi tok.

2 Samuel 7:18

Yʋmohmi ma mi̱ko Lewi ʋt chukowa cha, Chihowa itikba ya̱ binili cha, Kʋta sia hoh cho? Chitokaka Chihowa ma! micha an chuka achʋfa ʋt nanta ho̱ himak a̱ ant ʋhli ka isht is sa̱ mihinti tuk oh cho?

2 Samuel 9:8

Mihma il aka chunolechi cha, Chin tishu hʋt nanta ho̱ ofi illi sa chiyuhmi ka chi holhponayo hanta ya̱ ish onocha hinla cho? achi tok.

Lefitikʋs 19:34

Amba okla inla yosh hʋchi takla ahanta kʋt hʋchim ai itin takla ai ʋtta tuk akinli ho̱ hʋchin chohmashke, mikma hʋch i̱ holitopa kʋt hʋchishno akinli hʋchin chohmashke; okla inla yosh Echip yakni ya̱ hʋsh ai asha tuk oka; hʋchin Chitokaka Chihowah sia hoke.

Mahlu 25:35

Ʋno ʋt sa hohchʋfo ma, ilhpak a̱ hʋs sʋpeta tok: sa tukshila ma, nana ho̱ hʋs sʋshkochechi tok: hatak ik ithano sia hatuk a̱, aboha ya̱ ik chukowa, hʋs sʋm aiahni tok:

ʋBanumpa Luk Ʋt Holissochi Tok 1:43

An Chitokaka ishki ʋt a̱yʋt ʋm ʋla ilʋppʋt katiohmi ho̱ a̱ yakohmi cho?

ʋBanumpa Luk Ʋt Holissochi Tok 1:48

Yʋmmak okʋt in tishu ohoyo ilbʋsha ya̱ i̱ nukha̱klot pisa tuk oke: yohmi hoka himak píllʋt ia ka hatak isht ai unchululi puta kʋt na‐yukpa sia hochifa hi oke.

Loman 12:10

Itibapishi chiyuhmit it i̱ kana fehnʋt hʋsh it i̱ hullashke; hʋsh iti holitobli kʋt hʋsh it im i̱ shahlashke.

Luth 2:11

Mihma Boas ʋt afalamichit, Chi̱ hatak ʋt illi tok ititakla haya̱ chipokni ya̱ ish kaniohmihinchi tuk a̱, moma kʋt atokowʋt ʋm annoa tuk oke: yohmi kʋt chi̱ki, micha chishki, micha yakni ish ai ʋtta yatok a̱ issʋt okla cha̱shpo ish ithana chatuk keyu kʋt ant ish ibafohkʋshke.

Luth 2:13

Yʋmohmi ma A̱ shahli ma! chi̱ holhponayo hanta ak chi ai ahayuchí, ohoyo himita ʋhleha chim aiasha ka achʋfa ka chohmi li keyu kia, is sa hopohlʋli hoka, micha chin tishu ohoyo ha̱ i̱ kanʋt ish im anumpuli hoka, achi tok.

Luth 2:19

Mihma ipokni ʋt, Katima yak o̱ himak nitak a̱ ish ai ʋlbʋlli tuk oh cho? mikmʋt katima yak o̱ ish a toksʋli tuk o̱? kʋna hosh yohmi, chi ahni tuk ʋt holitopashke, im achi tok. Mihma kʋna ho̱ iba toksʋli tuk ʋt ipokni ya̱ im anolit, Himak nitak a̱ iba toksʋli li tuk hohchifo kʋt Boas oke, achi tok.

Luth 2:2

Mihma Lulh Moab ohoyo hash osh Naomi ya̱, Himak a̱ osapa ak ia chá, kʋna ho̱ i̱ holhponayo hanta ai ahayuchi likmʋt, onush noshkoba ya̱ ʋlbʋllit iakaiya lashke, im achi ma, Iá, sʋsotek ma! im achi tok.

Luth 2:9

A bʋshli ka osapa ya̱ chi nishkin a̱ onochit ish pisa cha, ish iakaiyashke: hatak himita ʋhleha ha̱ chi potola he keyu ka i̱ miha li tuk keyu cho? micha chitukshilakmʋt, oka ai ʋlhto puta ka ishit hatak himita ʋhleha oka ochi tuk a̱ ont ish ai ishkashke, im achi tok.

1 Samuel 25:23

Mihma Abikail ʋt Lewi ya̱ pisa mʋt, tu̱shpʋt issuba haksobish falaia ya̱ akowa cha, Lewi itikba ya̱ nashuka ishit hlipiʋt, aka pit akachunoli tok;