Luth 1:7 - Chahta Holisso Holitopa 1886

⁷ Yʋmohmi hosh ai ʋtta tuk ʋt ipok tuklo ka awant kocha tok; mihmʋt Chutah yakni falamʋt ona chi̱ hosh hina ya̱ okla itʋnoho̱wa tok.

Luth 1:7 Iomraidhean Croise

2 Mi̱ko 8:3

Atuk osh afʋmmi untuklo kʋt ont taha ma, yakohmi tok, ohoyo hash osh falamʋt Filistin okla i̱ yakni ya̱ kohchʋt ona tok: mihmʋt in chuka, micha im osapa yash mi̱ko ya̱ im asilhha chi̱ hosh kohchʋt ia tok.

Eksotʋs 18:27

Mihma Moses ʋt ipochi ya̱ ik ia ahni na, ia tok; mihma iʋt ilap i̱ yakni ya̱ ona tok.

Luth 1:10

Mihmʋt, Falamʋt chim okla achʋfa i̱ yakni ish ia ka chi ta̱kla il ia pulla chi̱ hoke, achit okla tok.

Luth 1:14

Mihma anonti chitolit yaiyʋt okla tok. Mihmʋt Opah hʋt ipokni ya̱ i̱ su̱ksowa tok; amba Lulh ʋto heh ahnit asitia tok.

Luth 1:6

Yʋmohmi mʋt ipok tuklo ka awant Moab yakni ya̱ issʋt falamʋt ia chi̱ hosh wakaya tok: Moab yakni anta moma kʋt Chihowa yʋt im okla ha̱ i̱ nowa cha, pʋska ima tuk a̱ haklo hatok.

Luth 1:8

Mihma Naomi ʋt ipok tuklo kash, Oh ia cha, falamʋt hʋch ishki bi̱ka in chuka ya̱ hʋsh onashke: illi chash, micha ʋno aiena ka hʋs sa̱ kana tuk a̱ chiyuhmit Chihowa yʋt hʋchi̱ kanashke.