Luth 1:2 - Chahta Holisso Holitopa 1886

² Micha hatak yʋmma hohchifo kʋt Elimelech okma, micha tekchi hohchifo kʋt Naomi, micha ushi tuklo hohchifo kʋt Mahlon, micha Chilion, Eflahlait okla Belh‐lehem‐chutah asha; yʋmohmi mʋt Moab yakni yʋmmak o̱ ona cha, aha̱shwa tok.

Luth 1:2 Iomraidhean Croise

Genesis 35:19

Mihma Lechel ʋt illi cha, Eflalh hina takla, yʋmmʋt Behlehem ak o̱ a hollohpi tok.

Nan Apesa 17:7

Mihma hatak himita yosh Behlehem‐chutah minti, Chutah in chuka achʋfa, yʋmmʋt Lefait osh yʋmma ahanta tok.

Nan Apesa 3:30

Yʋmohmi hosh nitak yʋmma Moab a̱ Islael ʋt imaiyachit nutakʋchi tok. Mihma yakni ʋt afʋmmi pokoli untuchina ho̱ foha tok.

Luth 1:3

Atuk o̱ Naomi i̱ hatak Elimelech ash osh illi tok; yohmi na Naomi, micha ushi tuklo aiena ak illa hosh aha̱shwa tok.

Luth 1:5

Atuk osh Mahlon, micha Chilion ita tuklot illi ak inli tok; mihma ohoyo hash osh ushi tuklo, micha i̱ hatak aiena kʋt illi na ilap bano hosh ahanta tok.

Luth 2:1

Mihma Naomi ʋt i̱ hatak i̱ kanomi yosh hatak holitompa i̱m il a̱ yak chito fehna Elimelech in chuka achʋfa yosh anta tok; micha hohchifo kʋt Boas atok.

Luth 4:9

Mihma Boas ʋt hatak asʋnonchi puta, micha okla moma aiena ka, Himak nitak fehna ka hʋsh pi̱sa ho̱, nana Elimelech immi hatok moma, micha Chilion immi hatok moma, micha Mahlon immi hatok moma aiena ka Naomi ya̱ in chumpa lishke.

1 Samuel 1:1

Mihma hatak achʋfa kʋt Lamahlaim‐sofim Eflaim nʋnih minti hosh hohchifo kʋt, Elkanah Eflahlait hatak osh ahanta tok, yʋmmʋt Cheloham ushi, yʋmmʋt Elihu ushi, yʋmmʋt Tohu ushi, yʋmmʋt Suf ushi atok.

1 Samuel 17:12

Yohmi ka Lewi yʋmmak ash osh Eflahlait Behlem‐chutah hatak Chesse hohchifo ho̱ ushi atok: micha yʋmmʋt ushi ʋhleha hʋt untuchina hosh im a̱sha tok: mihma hatak ash osh Sal ʋt ahanta nitak a̱ hatak sipokni ʋlhpisa hosh hatak takla a̱ya beka tok.

1 Samuel 17:21

Islael, micha Filistin ʋhleha aiena kʋt itiba chi̱ kʋt hiohlit il atahli tok; mikma tʋshka chipota laua bi̱ka hosh itichapʋt hiohli tok.