Luth 1:16 - Chahta Holisso Holitopa 1886

¹⁶ Mihma Lulh ʋt, Chissa la he, micha chiakaiya li kʋt falama la he a̱ chik sʋm asihi̱hlo kashke: kanima ish a̱yakma, a̱ya la chi̱; kanima ish ai ʋttakma, ahanta la chi̱; chim okla hak osh ʋm okla cha, chin Chitokaka ak osh an Chitokaka ha chi̱ hoke.

Luth 1:16 Iomraidhean Croise

2 Samuel 15:21

Mihma Ittai ʋt mi̱ko ya̱ afalamichit, Chihowa ʋt okcha̱ya pulla ka, micha a̱ shahli mi̱ko ʋt okcha̱ya pulla ka, kanima fehna ho̱ a̱ shahli mi̱ko ʋt ahantakma, okcha̱ya hokma, illi hokma, nanakma, yʋmmak inli fehna chin tishu ak kia ahanta chi̱ hoke, achi tok.

Atʋloa 45:10

I̱ hulittopa ohoyoh ma, ish haklo cha, ish pisashke; micha chi haksubish a̱ awet ish welashke; mikmʋt chim oklah, micha chi̱ki i̱ chukka aiena ka̱ chim ʋhaksashke.

Mahlu 8:19

Mihma na holissochi achʋfa hosh ʋla mʋt, Nan ithʋnanchi ma! kanima yo̱ chik a̱ya kia, chiakaiya la chi̱ mak oke, im achi tok.

Chan 13:37

Pita yash osh, Chitokaka ma! Na katihmi ho̱ himo nasi akinli kʋno pit ak chiakaiyo ka hinla cho? chishno a̱ pulla kak o̱ ʋm ilhfiopak a̱ aka bohyuli lashke.

Apostel isht Anumpa 21:13

Mihma Pal ʋt afalaminchi mʋt, Katiohmi ho̱ hʋsh ahni hosh ya̱iyʋt sa chu̱kʋsh a̱ hʋsh kobʋffi cho? Sa talakcha he ak o̱ illa keyu; amba Cheluselem a̱ Chitokaka Chisʋs hohchifo pulla ka, isht a si ai illa chi̱ aiena kʋt ʋm ʋlhtaha hoke, achi tok.

1 Hlessalonian 1:9

Micha yʋmma chohmi puta kak osh pi anoli kʋt, kaniohmit e hʋch iba chukowa tok; micha kaniohmit Chihowa a̱hli okcha̱ya ya̱ hʋsh im antia chi̱ hosh, na holba ya̱ i̱ filʋmmit Chihowa hʋsh im ona tuk a̱ anoli hoke.

Choshua 24:18

Micha Chihowa yʋt pi tikba ya̱ okla moma Amolait ʋhleha yakni yash aiena puta ka tihlelit akohhonchi tok; yʋmohmi hoka pishno ak kia Chihowa ya̱ il im antia chi̱ hoke, pin Chitokaka hoka, achi tok.

Nan Otʋni 14:4

Ilʋppak ash osh ohoyo nana kia isht a liteha tok keyu ʋhleha hoke; ohoyo himithoa hatak haleli keyu ho̱ chiyuhmi ʋhleha hoke. Ilʋppak ash osh Chukfʋlhpobushi, yʋmmʋt kanima yo̱ ia hoh kia, iakaiya ʋhleha mak oke. Ilʋppak o̱ hatak puta ai itintakla a kohchit chumpa tok o̱, Chihowa, micha Chukfʋlhpobushi ita tuklo ka immi nawaya ʋmmona ʋhleha hoke.

Luth 1:15

Mihma Naomi ʋt Yakeh! ish ita tuklo tuk ʋt falamʋt im okla, micha i̱ na holbʋt toba puta ka im iʋshke: ish ita tuklo ka falamʋt iakaiyʋt ish iashke, achi tok.

Luth 1:17

Kanima a chillikma, a sʋlla chi̱, micha yʋmmak o̱ a sa hollopa chi̱ hoke: illi ak illa hosh chishno, micha ʋno pit i̱ filʋmmichi keyukma, Chihowa yʋt yakohmi, micha i̱ shahli kia si yʋmihchashke.

Luth 2:6

Mihma tishu onush bʋshli ʋhleha pehlichi yash osh afalamichit, Moab ohoyo himita, Naomi ʋt Moab yakni kohchʋt falamʋt ʋla ma, ta̱kla ʋla tok mak oke.

Luth 4:15

Micha falaminchit okchalinchi chin chiyuhma chi̱ hoke, micha chi sipoknit taiyaha ka chi shoyuli ya chi̱ hoke: heh chi ahni kʋt ushi untuklo chim i̱ shahli chipok ʋt chim eshi tuk okʋt, im achi tok.