Luth 1:15 - Chahta Holisso Holitopa 1886

¹⁵ Mihma Naomi ʋt Yakeh! ish ita tuklo tuk ʋt falamʋt im okla, micha i̱ na holbʋt toba puta ka im iʋshke: ish ita tuklo ka falamʋt iakaiyʋt ish iashke, achi tok.

Luth 1:15 Iomraidhean Croise

2 Mi̱ko 2:2

Mihma Elichah ʋt Elisha ya̱, Ilʋppak o̱ a̱shá, chim asilhha lishke; Chihowa yʋt Behlel a̱ sa pila tuk oka, im achi tok. Mihma Elisha yʋt, Chihowa yʋt okcha̱ya pulla ka, micha chimi shilombish ʋt okcha̱ya pulla ka, chissa la he keyu hoke, achi tok. Yohmi ho̱ Behlel a̱ itonachi tok.

Atʋloa 125:5

Amba i̱ hina shʋnayoa pit fulotoa yʋno, nan ik ʋlhpeso yʋmihchi ʋhleha hak o̱ awant ik iá, Chihowa hʋt im ahnashke. Nanah achukma kʋt Islael a̱ onuttoiyulashke.

Atʋloa 36:3

Ilap itih im ʋnnumpa hʋt nan ik ʋlhpeso micha na̱ haksichi bano yoke; hupoyuksa, nanah achukma yʋmohma he tuk ʋt issa tuk oke.

Numbas 10:30

Mihma, Ia la he keyu, amba iʋt a̱ yakni akinli micha a̱ kanomi ak o̱ im ona la chi̱ hoke i im achi tok.

ʋBanumpa Luk Ʋt Holissochi Tok 24:28

Mihma tʋmahushi itiachi yʋmmak atuk ash ot itonacha̱ hosi tok; yohmi ma yʋmmak ash ot ont ia hinla ka, ile chohmichi tok.

Heblu 10:38

Yohmi ka ai ʋlhpiesa yokʋto na yimmi pulla kak osh okcha̱ya chi̱; amba hatak nana hosh falama hok mʋno, sa shilombish ʋt isht im ai yukpa hi ʋt iksho hoke.

Choshua 24:15

Micha Chihowa im antia ka ik achukmo hʋsh ahnikmʋt, kʋna ho̱ hʋsh im antia chi̱k mʋt himak nitak a̱ hʋsh atokolashke, na holbʋt toba puta okhina mish tʋnnʋp aiasha na hʋch i̱ki ʋhleha hʋt aiokpʋchi tok ak okmá, keyukmʋt Amolait okla i̱ yakni ya̱ hʋsh aiasha kʋt i̱ na holbʋt toba puta yak okmá nanakmʋt, amba ʋno, micha an chuka achʋfa ʋto Chihowa ak o̱ il im antia chi̱ hoke, im achi tok.

Choshua 24:19

Mihma Choshua ʋt okla ha̱, Chihowa ya̱ hʋsh im antia he keyu hoke; Chitokaka nan ashʋchi iksho yoka: Chitokaka nuktahanhla hoke; na hʋsh yoshuba, micha na hʋsh ashʋchi aiena puta ka hʋch i̱ kashofa he keyu hoke.

1 Chan 2:19

Yʋmmak ash ot a pi̱ filʋmmit kocha wiha tok; yohmi kia yʋmmʋt a hʋpibai achʋfa tok o̱ keyu hoke; yʋmmʋt pishno ak o̱ a hʋpibai achʋfa tok okmʋt, a hʋpibai afo̱ka na bilia he tuk pulla chishke: amba yʋmmʋt moma kak osh a hʋpibai achʋfa ho̱ keyu hatuk ʋt otʋna chi̱ kak osh a hʋpi̱ filʋmmit kocha wiha tok oke.

Nan Apesa 11:24

Chi̱ naholbʋt toba Chemosh ʋt chima tuk ak o̱ ish iesha he ʋlhpesa keyu̱? Yʋmohmi ka kʋna ho̱ Chihowa pin Chitokaka yʋt pi tikba a tihlelit kocha wehlikma yʋmmak oka il iesha chi̱ hoke.

Luth 1:14

Mihma anonti chitolit yaiyʋt okla tok. Mihmʋt Opah hʋt ipokni ya̱ i̱ su̱ksowa tok; amba Lulh ʋto heh ahnit asitia tok.

Luth 1:16

Mihma Lulh ʋt, Chissa la he, micha chiakaiya li kʋt falama la he a̱ chik sʋm asihi̱hlo kashke: kanima ish a̱yakma, a̱ya la chi̱; kanima ish ai ʋttakma, ahanta la chi̱; chim okla hak osh ʋm okla cha, chin Chitokaka ak osh an Chitokaka ha chi̱ hoke.