Luth 1:14 - Chahta Holisso Holitopa 1886

¹⁴ Mihma anonti chitolit yaiyʋt okla tok. Mihmʋt Opah hʋt ipokni ya̱ i̱ su̱ksowa tok; amba Lulh ʋto heh ahnit asitia tok.

Luth 1:14 Iomraidhean Croise

Genesis 31:28

Micha sʋso ʋhleha, micha sʋsotek ʋhleha aiena ka̱ ik i̱ su̱ksowa, chik sʋm ahno tuk oh cho? himak a̱ im anukfila iksho chohmit ish yʋmihchi tuk oke.

Genesis 31:55

Atuk o̱ onna kʋt onnahinli fehna ho̱ Laban ʋt wakaya cha, ushi ʋhleha, micha ushetik ʋhleha ha̱ i̱ su̱ksowa mʋt, anumpa yukpali onochi tok: micha Laban ʋt falamʋt iʋt aiʋtta ya̱ ona tok.

2 Samuel 19:39

Mihma okla moma kʋt Chatan a̱ hlopulli tok. Atuk o̱ mi̱ko ʋt ont kohcha mʋt, mi̱ko ʋt Basillai ya̱ i̱ su̱ksowa cha, anumpa yukpali onochi tok: mihma falamʋt ilap ai ʋtta ya̱ ona tok.

1 Mi̱ko 19:20

Mihma wak toksʋli ya̱ issa cha, Elichah ya̱ iakaiyʋt hlioli mʋt, Chim asilhha lishke, a̱ki micha hʋshki itatuklo ka i̱ su̱ksowa hayosh, chiakaiya lashke, achi tok. Mihma, Anonti falamʋt iá; nanta chi katiohmichi li cho? im achi tok.

Mahlu 10:37

Kʋna hosh i̱ki yokmá, keyukmʋt ishki yokmá, nana ho̱ i̱ hullo kʋt ʋno a̱ im i̱ shahli hokʋt, ʋmmi ha he ʋlhpesa keyu hoke: mikmʋt ushi yokmá, keyukmʋt ushetik okmá, nana ho̱ holitobli kʋt ʋno a̱ im i̱ shahli hokʋt, ʋmmi ha he ʋlhpesa keyu mak inli hoke.

Mahlu 16:24

Yohmi mʋt nitak yʋmma foka ma Chisʋs ʋt nan im ai ithʋna ʋhleha hash o̱, Hatak nana hosh siakaiya bʋnna hokmʋt, ile kaiyanchi cha, im iti‐taiyukhʋna ya̱ sholi hosh siakaiyashke.

Mahlu 19:22

Yohmi kia hatak himita yash osh anumpa yʋmma haklo mʋt, nan in laua fehna hatuk okʋt, nukha̱klo fehna hosh kanʋllit ia tok.

Apostel isht Anumpa 17:34

Yohmi kia hatak kaniohmi kʋto yimmi cha, yʋmmak ash ibakaha tok. Yʋmma iba ta̱kla kʋt Taionishʋs, Mas nʋnih nan ai apesa, micha ohoyo Tamelis hohchifo hosh, anonti inla ai itʋpeha tok oke.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 4:4

Amba hʋchin Chitokaka Chihowah ya̱ hʋsh asitia tok ʋto hʋsh moyuma kʋt himak nitak a̱ hʋchi okcha̱yʋshke.

2 Timohli 4:10

Yohmi ka Temas ʋto himonasi yakni ilʋppak inli kak o̱ i̱ hullo hatuk osh, sʋssʋt ia tok: yohmi tuk osh Hlessalonika ya̱ ia tok: Klesens ʋto Kaleshi yak o̱ ia ma, Titʋs ʋto Talmasia yak o̱ ia tok.

Heblu 10:39

Amba pishno ʋto falama cha, nan isht ai ilbʋsha bilia pihi̱sa he ʋhleha yʋmmak okʋno il ibai achʋfa keyu, amba na yimmi cha, shilombish okʋt okcha̱yʋt bilia yʋmmak o̱ il ibai achʋfa hoke.

Luth 1:13

Hʋsh im a̱shwa na hofantit taha hinla cho? hʋsh im a̱shwa na hatak hʋch ik auwayo ka hinla cho? Keyú, sʋsotek ʋhleha ma! hʋchishno pulla kak o̱ sa nukha̱klo fehnʋshke, Chihowa ibbak ʋt si asanalit si onʋtola hoka, im achi tok.

Luth 1:15

Mihma Naomi ʋt Yakeh! ish ita tuklo tuk ʋt falamʋt im okla, micha i̱ na holbʋt toba puta ka im iʋshke: ish ita tuklo ka falamʋt iakaiyʋt ish iashke, achi tok.

Luth 1:7

Yʋmohmi hosh ai ʋtta tuk ʋt ipok tuklo ka awant kocha tok; mihmʋt Chutah yakni falamʋt ona chi̱ hosh hina ya̱ okla itʋnoho̱wa tok.

Luth 2:11

Mihma Boas ʋt afalamichit, Chi̱ hatak ʋt illi tok ititakla haya̱ chipokni ya̱ ish kaniohmihinchi tuk a̱, moma kʋt atokowʋt ʋm annoa tuk oke: yohmi kʋt chi̱ki, micha chishki, micha yakni ish ai ʋtta yatok a̱ issʋt okla cha̱shpo ish ithana chatuk keyu kʋt ant ish ibafohkʋshke.