Luth 1:13 - Chahta Holisso Holitopa 1886

¹³ Hʋsh im a̱shwa na hofantit taha hinla cho? hʋsh im a̱shwa na hatak hʋch ik auwayo ka hinla cho? Keyú, sʋsotek ʋhleha ma! hʋchishno pulla kak o̱ sa nukha̱klo fehnʋshke, Chihowa ibbak ʋt si asanalit si onʋtola hoka, im achi tok.

Luth 1:13 Iomraidhean Croise

Genesis 38:11

Yohmi ma Chutah ʋt ipok Tama ya̱, Ohoyo i̱ hatak illi yosh chi̱ki in chuka ish ahanta tuk o̱, sʋso Shelah ʋt hofantit tahak mak ashke, im achi tok: (yʋmmak kia itibapishi ʋhleha hakinli chohmit illi yoba ná achi hatuk okʋt:) mihma Tama yʋt i̱ki in chuka ont ahanta tok.

Atʋloa 32:4

Nittak micha ninak aiena ka̱ chibbak ʋt weki hosh si onuttoiyulah ma̱, ʋmi lhampko hʋt inlʋt taha kʋt toffa chahto yak o̱ chiyuhmi tuba tok oke. [Yukopa.

Atʋloa 38:2

Chim uskinʋki putta kʋt akket sʋ chukkoakma̱, chibbak ʋt ʋba mintit wekit si onuttoiyula hoka̱.

Tutelonomi 2:15

Chihowah yʋt okla chito ai iti takla ai ishit ka̱hanchi na, ont moshola chi̱ ka̱ ibbak ʋt i̱ sanali ho̱ mʋhli ha tuk oka.

Nan Apesa 2:15

Chihowa yʋt ahanchi tuk mak osh, micha Chihowa yʋt anumpa kʋllo ile onochit miha tuk mak osh kanima yo̱ kochʋt iakma, Chihowa ibbak ʋt nana ik achukmo isht im asanali beka tok: mihma okla komunta fehna tok.

Luth 1:12

Falamʋt hʋsh iashke, sʋsotek ʋhleha ma! sa sipokni fehna hokʋt hatak ʋm a̱sha he keyu hoke. Yohma chi̱ ahni li, micha himak ninak ak kia hatak ʋm a̱sha cha, ushi ʋm asha chi̱ achi li kia;

Luth 1:14

Mihma anonti chitolit yaiyʋt okla tok. Mihmʋt Opah hʋt ipokni ya̱ i̱ su̱ksowa tok; amba Lulh ʋto heh ahnit asitia tok.

Luth 1:21

Si alota hosh kohchʋt ia li tok kia, iksho ho̱ anonti an chuka Chihowa yʋt sʋsht ʋlʋshke: yohmi ka nanta katiohmi ho̱ Naomi hʋs si achi ho̱? Chihowa yʋt si atokolit a̱ sanali, micha Nana moma i̱ shahli hʋt sʋlbʋshali tuk oka.

1 Samuel 5:11

Yʋmohmi ho̱ pilʋt, Filistin okla i̱ hochitoka ʋhleha puta ka okla hoyot itʋnahli cha, Islael in Chitokaka im itombi holitopa ya̱ hʋsh pila na atalaia he ʋlhpesa kʋt anonti onashke, yʋmohmi hosh pishno, micha pim okla aiena ka ik pe bo kashke; tʋmaha holihta moma afullota ka ililli okpulo ʋt ishit nukhlakanchit ihinli tok oka; Chitokaka ibbak ʋt yʋmmak kia weki fehna tok.