Koloshan 1:3 - Chahta Holisso Holitopa 1886

³ Chihowa, micha pin Chitokaka Chisʋs Klaist I̱ki ya̱ yak oke, im ahnit, ʋba isht e hʋchi anumpohonli na bilia hoke;

Koloshan 1:3 Iomraidhean Croise

Loman 15:6

Yohmi hosh hʋchim anukfila hʋt ai achʋfʋt, itih achʋfa hosh Chihowa, pin Chitokaka Chisʋs Klaist I̱ki yak fehna ka hʋsh holitobla hi atuk oke.

1 Kolinhlian 1:4

Yohmi ka Chisʋs Klaist ak atuk pulla kak o̱ Chihowa hʋt ilap isht i̱ kana ya̱ hʋch ima hatuk oka, an Chihowa ya̱ hʋchishno yak atuk pulla mak o̱ yak oke im ai ahni li̱ biliʋshke.

2 Kolinhlian 1:3

Pin Chitokaka Chisʋs Klaist I̱ki, Chihowa, nan i̱ nukha̱klo fehna I̱ki, micha nan isht anuktanla moma in Chihowa yʋt holitopashke.

Efeshan 1:15

Yʋmohmi ka ʋno yak kia Chitokaka Chisʋs a̱ hʋsh i̱ yimmi, micha ʋbanumpa yimmi a̱hli moma ka hʋsh i̱ hullo ka, haklo li hayʋt,

Efeshan 6:18

Shilombish anukfoyuka hosh anumpa ilbʋsha puta im anumpohonlit, asihi̱hla hosh achunanchit ahah! aha̱ni, micha ʋbanumpa yimmi puta ka isht hʋsh asihi̱hlashke:

Filippian 4:6

Nana kia isht ik hʋchi ataklaiyamo kashke; amba nana puta ka anumpa ilbʋsha anumpulit asihi̱hlʋt aiokpahanchi hosh nana a hʋchi bʋnna kʋt Chihowa ya̱ im annoho̱washke.

Koloshan 1:13

Yʋmmak okʋt aiokhlili ka isht im ai a̱hli ya̱ a pi a hlakofichi mʋt, anonti kanʋllichit ilap Ushi holitopa im apehlichika ya̱ pisht ona tuk oke;

Koloshan 1:9

Yakohmi kak o̱ nitak yʋmma fehna ka e haiyaklo tuk taiyakla kʋt, anumpa ilbʋsha isht e hʋchi anumpohonli kʋt il issa keyu, mihmʋt hʋchi hopoyuksa bieka, micha shilombish im ahalaia ka ithʋnʋt, Chihowa nan ai ahni ka hʋsh ithana ka isht hʋchi alotowa he ak o̱, il ai ahni hoke:

1 Hlessalonian 1:2

Anumpa ilbʋsha il anumpulikmʋt, e hʋchi anohonlit, Chihowa ya̱ yak oke hʋsh moma ka isht e hʋchim aha̱ni hoke;

2 Timohli 1:3

Chihowa ya̱ yak oke im ai ahni li kʋt, an tikba ʋhleha hʋt kaniohmit aiokpahanchi beka tok a̱ chiyuhmit anukfila kashofa ho̱ isht aiokpahanchi li kʋt, ak isso hosh nitak, ninak moyuma ka anumpa ilbʋsha anumpohonli likmʋt, chithaiyana lishke: