Genesis 9:6 - Chahta Holisso Holitopa 1886

⁶ Kʋna hosh hatak im issish a̱ hlatʋblikma, ilap im issish ma hatak osh hlatʋbla hi oke: Chitokaka ya̱ holba ho̱ hatak a̱ ikbi tok oka.

Genesis 9:6 Iomraidhean Croise

Genesis 4:14

Yakeh! himak nitak a̱ yakni paknaka a kohchit is sa chʋffichishke: yohmi na chi nashuka yatukma ai in luma la chi̱shke; micha hatak kʋnia, micha yakni paknaka ya̱ fullokahanchit a̱ya hatak sia ha chi̱ hoke; atukma yakohma chi̱ hoke, kʋna hosh si ahayuchikmʋt, sʋba chi̱ hoke, im achi tok.

Genesis 42:22

Mihma Luben ʋt afalaminchit, Hʋchim anumpulit, Ʋlla ya̱ hʋsh i̱ yoshuba ná, achi li tok keyu cho? mihma hʋsh haponakla he keyu tok: yʋmohmi tok ak o̱ yakeh, im issish a̱ pi a hoyo akinlishke, im achi tok.

Genesis 5:1

Ilʋppak osh Alam isht‐atiaka isht annoa holisso hoke. Chitokaka yʋt hatak a̱ ikbi tuk nitak fehna ka̱ Chitokaka hak o̱ holba ho̱ ikbi tok.

2 Samuel 4:11

Hatak haksi ʋhleha yosh hatak ʋlhpesa ya̱ ilap in chuka, micha in topa itonla ho̱ ai ʋbi kʋt i̱ shahli onʋtola he ʋlhpesa keyu cho? yʋmohmi hoka im issish a̱ hʋch ibbak a̱ a hoyo lish, yakni ya̱ a kohchit ishit hʋchi kanchi la he ʋlhpesa keyu cho? im achi tok.

1 Mi̱ko 2:9

Yʋmohmi hoka himak a̱ na hotopa he ʋlhpesa keyu ka chik chohmecho kashke: hatak hopoyuksa chia hokʋt nana ish kaniohmicha he ʋlhpesa kʋt ish ithaiyanʋshke: amba noshkobo tohbi ya̱ issish o̱ ahollopi ya̱ isht ish onashke, achi tok.

2 Mi̱ko 11:1

Atuk o̱ Ahasiah ishki Ahlaliah ʋt ushi ʋt illi na pisa mʋt, wakaya cha, mi̱ko ishtatiaka moma ka ʋbit tahli tok.

2 Mi̱ko 11:16

Mihma ibbak ishit potolit okla ishi tok; mihma issuba puta kʋt mi̱ko im aboha ai ʋla chatuk hina yak o̱ ia tok; mihma yʋmmak o̱ ai illichi tok.

2 Mi̱ko 11:20

Mihma yakni yʋmma okla moma kʋt nayukpa ma, tʋmaha kʋt nuktaiyala tok: mihma Ahaliah ya̱ mi̱ko in chuka bili̱ka ya̱ bʋshpo falaia yo̱ isht ai illichi tok.

Atʋloa 51:4

Chishno, chishno ak illa ho̱ chim ʋsshachi lish, chi nishkin itikba ya̱ nan ik achukmo ya̱ yʋmihchi le tuk oke; yohmi hoka̱ ish ʋnumpulikmʋt, chim ai ʋlhpiesah, micha nan ish ʋpesakmʋt, ʋnnumpah chi̱ kʋshofa hoke.

Eksotʋs 20:13

Kʋna kia ish bi ná.

Lefitikʋs 17:4

Atuk osh okla moma im ʋlhtipo okhissa isht onʋt Chihowah im issa mak o̱ Chihowah im ʋlhtipo itikba ya̱ ont ik im ai issokmʋt hatak yʋmma issish ʋt onʋtola hi oke; issish hlatʋbli tuk oke, micha hatak yʋmmʋt im okla im ai itin takla ya̱ fiopa tʋpa hi oke.

Lefitikʋs 24:17

Micha kʋna hosh hatak bi̱ka ʋbikmʋt illi pulla hi oke.

Numbas 35:16

Atuk o̱ tʋli ishit toksʋli yo̱ isht isso na illikma, yʋmmʋt hatak ʋbi yoke: hatak ʋbi ʋt illi pullashke.

Numbas 35:25

Micha okla moma kʋt hatak ʋbi yash issish hlatapa il aiokha ibbak ash akohchit hlakoffichashke, micha okla moma kʋt tʋmaha holihta ai okcha̱ya malelit ai ona tuk, falʋmminchit fohkashke: mikma yʋmma ahanta na naholitompa isht ʋtta moma i̱shahli bila holitopa ahama tuk ʋt illashke.

Numbas 35:33

Yʋmohmi hosh yakni hʋsh aiasha kʋt hʋchik litehlo kashke: issish yʋmmak osh yakni ya̱ litehli hoka: micha yakni ʋt issish on hlatapa tuk ʋt kashofa he keyu, amba hlatʋbli tuk im issish ak o̱ ishit kashofa hi oke.

Mahlu 26:52

Yʋmma foka ma Chisʋs ash osh, Chim bʋshpo falaia a falaminchit afohka ya̱ pit ish fohkashke: kʋna hosh bʋshpo falaia yo̱ ishi hokʋto, bʋshpo falaia yo̱ isht illa he bano hoka.

Loman 13:4

Nan isht chim achukma chi̱ mak o̱ yʋmmʋt Chihowa nan isht im ʋtta hatuk oka. Yohmi kia nan ik achukmo kak o̱ ish yʋmihchi hokmʋt, chi nukshopashke: yohmi ka yʋmmʋt bʋshpo falaia ya̱ peh pilla ieshi ho̱ keyu; amba yʋmmʋt Chihowa nan isht im ʋtta yosh nana ka ai a̱hlichit nan ik achukmo yʋmihchi ya̱ isht ai i̱ palʋmmi ka onohonchi mak oke.

1 Kolinhlian 11:7

Chihowa ya̱ a hoyulba na isht a holitopa hoka, hatak ʋt noshkobo ha̱ nan o̱ hlipela he ʋlhpesa keyu mʋhlishke: amba hatak a̱ isht im a holitopa yokʋto ohoyo ak oke.

Tutelonomi 19:11

Yohmi kia hatak nana hosh chuka a bili̱ka hatak a̱ i̱ nukkilli cha, im aiehchit itonla tuk osh, i̱ sanalit wakaya cha, isht illa he ʋlhpesa ho̱ fahama na, illi ma, malelit tʋmaha holihta ilʋppa puta kash achʋfa ka̱ onakma:

Tutelonomi 5:17

Kʋna kia ish bi ná,

Chemis 3:9

Yʋmmak o̱ I̱ki Chihowa ha̱ isht il ai okpahanchikmʋt; anonti yʋmmʋt Chihowa ha̱ holba hosh toba tok hatak puta kash yʋmmak ash inli ho̱ anumpa okpʋlo isht e mihachishke.

Nan Otʋni 13:10

Kʋna hoh kia inla ya̱ yuka ikbit isht a̱ya hokʋto, ilap mʋt yuka tobʋt a̱ya hi oke; kʋna hoh kia inla ya̱ bʋshpo falaia vo̱ isht ʋbi hokʋto, ilap mʋt bʋshpo falaia yo̱ isht illa hi oke. Ilʋppak o̱ ʋbanumpuli ʋhleha hʋt nuktanlʋt achunanchit na yimmi ka isht otaiyani hoke.

Nan Apesa 9:56

Yakohmi hosh Chitokaka yʋt Abimilech nan ashʋchit i̱ki ya̱ nana kaniohmichit itibapishi pokoli untuklo ʋbi tok a̱ onochi tok.

1 Samuel 15:33

Mihma Samuel ʋt, Chi̱ bʋshpo falaia ʋt ohoyo ha̱ ʋlla ik im iksho ikbi chatuk oka, chishki ʋt ohoyo takla ʋlla ik im iksho ya chi̱ hoke, achi tok. Mihmʋt Samuel ʋt Akak a̱ Kilkal ak o̱ Chihowa itikba ya̱ a chanlit tushahlichit taiyahli tok.