Genesis 9:3 - Chahta Holisso Holitopa 1886

³ Nan okcha̱ya itʋnowa moma kʋt hʋchim ilhpak achi̱ hoke: haiyu̱kpulo okcha̱ki atok akinli ho̱ ai itilauechit nan oklu̱ha ka̱ hʋchim issa li hoke.

Genesis 9:3 Iomraidhean Croise

Genesis 9:2

Yohmikma isht a hʋchi̱ nukshopa, micha isht a hʋchi̱ komota aiena kʋt nampoa puta yakni paknaka aiasha ka̱ moma, micha hushi puta ʋba itʋnowa moma, micha nana hosh yakni paknaka a̱ya moma, micha nʋni okhʋta aiasha ka̱ moma onʋtoyula hi oke; hʋch ibbak a̱ fohka hoke.

Lefitikʋs 22:8

Ilap akinlit illi tuk, micha nampoa hosh ʋbi tuk a̱ ʋpʋt isht ile litehla he keyu hoke, Chihowah sia hoke.

Loman 14:14

Yohmi ka nana kʋt ilap ak inli kʋt ik kashofo kʋt iksho ka, Chisʋs Klaist ak atuk mak o̱ isht a sa nukfoyukʋt, ithaiyana lishke: amba kʋna hosh nana kʋt ik kashofo ai ahni hokʋno, yʋmmʋno nana kʋt ik i̱ kashofo hoke.

Loman 14:17

Yohmi ka Chihowa apehlichika yokʋt nan impa, nan ishko kak o̱ keyu hoke; amba nan isht ai ʋlhpiesa, micha isht it i̱ nanaiya, micha Shilombish Holitopa ai isht ilaiyukpa yak oke.

Loman 14:20

Yohmi ka nan ʋpa ak atuk mak o̱ Chihowa hʋt nana toksahanli tuk ash isht chik okpano kashke. Nan oklu̱ha kʋt kashofa mʋhli hoke: yohmi kia hatak nana hosh inla isht ai ibetʋbli ho̱ impa hokʋto, isht ik im achukmo hoke.

Loman 14:3

Yohmi ka ʋpa hokʋt ik po hoka ik kanimancho kashke; micha ik po hokʋt ʋpa hoka nan ik im apeso kashke; Chihowa ak osh i̱ kana hatuk oka.

1 Kolinhlian 10:23

Nana moma kʋt isht ʋm ai ʋlhpiesa, yohmi kia nana moma kak osh isht achukma he keyu; nan moma kʋt isht ʋm ai ʋlhpiesa, yohmi kia nana moma kak osh achukmalechi keyu hoke.

1 Kolinhlian 10:31

Yʋmohmi hoka hʋsh impa, keyukmʋt na hʋsh ishko, keyukmʋt nana ho̱ hʋsh yʋmihchi hokmʋt, Chihowa isht a holitopa chi̱ ho̱, mominchit hʋsh yʋmohmashke.

Tutelonomi 12:15

Yohmi kia nana ho̱ chi chu̱kʋsh ʋt bʋnnakmʋt, chi̱ holihta okhissa anu̱kaka moma ka̱, chin Chitokaka Chihowah yʋt nan isht yukpali chima tuk mak o̱, ai ʋbit nipi ish pashke: ik kashofo micha kashofa aiena kʋt issi holba nakni, micha issi nakni chohmi ka̱ ai ʋpa hinla hoke.

Koloshan 2:16

Yʋmohmi hoka hatak nana kia impa ak ok má, nan ishko ak okmá, impa holitopa nitak ak okmá, hʋshi talali ak okmá, nitak hʋllo puta ak okmá, nana kia nan isht apesʋt ik hʋchi onocho kashke.