Genesis 9:2 - Chahta Holisso Holitopa 1886

² Yohmikma isht a hʋchi̱ nukshopa, micha isht a hʋchi̱ komota aiena kʋt nampoa puta yakni paknaka aiasha ka̱ moma, micha hushi puta ʋba itʋnowa moma, micha nana hosh yakni paknaka a̱ya moma, micha nʋni okhʋta aiasha ka̱ moma onʋtoyula hi oke; hʋch ibbak a̱ fohka hoke.

Genesis 9:2 Iomraidhean Croise

Genesis 1:21

Micha Chitokaka yʋt nʋni hochito, micha nan okcha̱ya ilhko̱honli ilap aiachʋfa aiyukali oka yʋt lauachit ikbi ya̱ moma, micha hushi sanahchi a̱sha puta ilap aiachʋfa aiyukali ka̱ ikbi tok: micha yʋmmʋt achukma ho̱ Chitokaka yʋt pisa tok.

Genesis 1:26

Mihmʋt Chitokaka yʋt, Hatak a̱ ila hobachit pishno pi holba ho̱ kiloh ikbí: mikma nʋni okhʋta aiasha, micha hushi ʋba itʋnowa, micha nan ʋlhpoa puta, micha yakni moma, micha nana balʋlli puta yakni ya̱ om balʋlli ya̱ a mominchi hosh i̱ shahlashke, achi tok.

Genesis 1:28

Micha Chitokaka yʋt yukpali tok, micha Chitokaka yʋt, Wayʋt hʋsh apaknashke, micha yakni ya̱ hʋsh alotowa cha, hʋsh imaiyachashke: micha nʋni okhʋta aiasha, micha hushi ʋba itʋnowa, micha nan okcha̱ya puta yakni paknaka itʋnowa moma ka̱ hʋsh i̱ shahli hashke.

Genesis 2:19

Micha Chihowah Chitokaka yʋt nampoa yakni haiaka aiasha moma ka̱ yakni ya̱ ai isht ikbi tuk atok; micha hushi ʋba itʋnowa moma aiena ka̱ ikbi tuk ʋt Alam ʋt nana ho̱ hochifo na pisa chi̱ kʋt pehlichit isht im ona tok; atuk o̱ nan okcha̱ya puta ka̱ nana ho̱ A̱lam ʋt hochifokma, yʋmmak osh hohchifo hatok.

Genesis 35:5

Micha bina ha̱ kanʋllichi cha ilhkoli tok: mihma tʋmaha holihta apakfoyupʋt aiasha ka̱ Chitokaka i̱ nukshopa kʋt onʋtonla hatuk o̱, Chekob ushi ʋhleha ha̱ ik hliolo tok.

Genesis 9:1

Mihmʋt Chitokaka yʋt Noah ya̱ micha ushi ʋhleha aiena ka̱ yukpalit, Hʋsh wayʋt apakna cha, yakni paknaka ya̱ hʋsh alotowashke.

Genesis 9:3

Nan okcha̱ya itʋnowa moma kʋt hʋchim ilhpak achi̱ hoke: haiyu̱kpulo okcha̱ki atok akinli ho̱ ai itilauechit nan oklu̱ha ka̱ hʋchim issa li hoke.

Lefitikʋs 26:22

Micha nampoa okpulo aiena hʋchim itin takla et tihleli likma yʋmmʋt hʋchim ʋlla ʋhleha ha̱ wehpuli cha, hʋchi̱ nan ʋlhpoa ya̱ ʋbit tahla hi oke, micha hʋchi kanamosechi likma, hʋchi̱ hina puta kʋt aksha hi oke.

Lefitikʋs 26:6

Mikma yakni ya̱ iti̱ nanaiya ima la hi oke, yohmikma hʋsh tʋshkikma nana hosh hʋchi nukshobla he keyu, amba nampoa okpulo ya̱ yakni ya̱ kohchit ishit kanchi la hi oke; mikma bʋshpo falaia yʋt hʋchi̱ yakni ya̱ hlopulla he keyu hoke.

Chemis 3:7

Nampoa ilaiyuka, micha hushi, micha nana hosh aka a ita balʋlli, mikmʋt okhʋta anu̱ka ai asha puta kʋto kostini chatuk: hatak isht ai unchululi puta kʋt yʋmmak okʋno kostininchi chatuk oke: