Genesis 8:16 - Chahta Holisso Holitopa 1886

¹⁶ Chishno, micha chi tekchi, micha chiso ʋhleha, micha chiso ʋhleha tekchi puta aiena ka̱ pehliechit peni chito ya̱ ish a kohchashke.

Genesis 8:16 Iomraidhean Croise

Genesis 7:1

Mihma Chihowah ʋt Noah ya̱, Chishno, micha chin chuka achʋfa moma aienʋt peni chito ya̱ ant hʋsh chukowashke: aiitishali achʋfa ilʋppa chishno ak osh aiʋlhpiesa kʋt sa tikba ya̱ ish ahanta na chi pi̱hi̱sa li hoke.

Genesis 7:13

Nitak yʋmma fehna akinli ho̱ Noah, micha Shem, micha Ham, micha Chafelh Noah ushi ʋhleha hash, micha Noah tekchi, micha ushi ʋhleha tekchi tuchina aiena kʋt api̱ha ho̱, peni chito yash chukowa tok.

Genesis 7:7

Mihma oka falama yʋt a̱ya chi̱ pulla kak o̱, Noah hʋt ushi ʋhleha, micha tekchi, micha ushi ʋhleha ha̱ tekchi ʋhleha aiena kʋt api̱ha ho̱ peni chito ya̱ chukowa tok.

Genesis 8:15

Mihma Chitokaka yʋt Noah a̱ im anumpulit,

Genesis 8:17

Nan okcha̱ya nipi il aiyukali puta moma chi apehʋt ma̱ya tuk, hushi, micha nan ʋlhpoa, micha nana balʋlli yakni paknaka om balʋlli aiena ka̱ pehliechit ish kohchashke; yohmi na yakni paknaka ya̱ alauachi fehnʋt chelashke, micha yakni paknaka ya̱ a wayʋt apaknashke, achi tok.

Atʋloa 121:8

Himak ai ʋlhit a billia ka̱, kohchʋt ish i̱hi̱yah, micha ant ish chukko̱ho̱ah aiena ka̱ Chihowa hʋt chi hʋllʋlla chi̱ hoke.

Atʋloa 91:11

Chishno ai imma ka̱ im enchel putta ka̱ ʋtohno na, ish ata̱ya moiyuma ka̱ chi hʋllʋlla chi̱ hoka̱.

Choshua 3:17

Mihma na holitompa isht asha Chihowa nan it im apesa ʋt afoyuka itombi holitopa shoyuli hatuk ʋt Chatan iklʋna ya̱ kʋllot hieli na, Islael okla moyumʋt yakni shila ho̱ tanʋblit, okla moyumʋt Chatan a̱ ont hlopullit taha tok.

Choshua 4:10

Na holitompa isht asha itombi holitopa yash shoyuli hatuk ʋt Chatan iklʋna ya̱ hieli na, Chihowa ʋt nana im apesa ho̱ Choshua ʋt okla ha̱ im anumpohonli tuk a̱ ont ʋlhtaha tok; yʋmmʋt Moses ʋt Choshua i̱ miha tok mak atok; yohmi ho̱ okla hʋt tu̱shpʋt tanʋbli tok.